Don sáhtát váidit árvosáni dain eksámenvugiin maid lea vejolaš nuppes árvvoštallat. Njálmmálaš ja praktihkalaš eksámena ja hárjehallama eksámenbohtosa ii sáhte váidit. 

• Váidináigemearri: 3  vahkku dan rájes go árvosátni dahje árvosáni čilgehus lea almmuhuvvon 

Fuomáš ovdal go váiddát:   

• Mii ávžžuhit ahte don leat bivdán ja ožžon čilgehusa árvosátnái.  

• Eksámenboađus sáhttá rievdaduvvot sihke buoret ja heajut árvosátnin go dat maid álgoálggus ožžot.  

• Ođđasit árvvoštallojuvvon eksámena árvosáni ii leat vejolaš nuppes váidit, dat lea eksámena loahpalaš árvosátni.  

• Don it sáhte oažžut oahppoduođaštusa ovdal váidda lea meannuduvvon. 

• Jus it leat ceavzán eksámena ja váiddát árvosáni, de sáhtát goitge dieđihit gearduneksámenii. Jus boađus váidagis lea ahte ceavzzát eksámena, de mii sáhttit veahkehit du geassádit gearduneksámenis. 

• Váiddasensora čađaha ođđa sensorlávdegoddi. Váiddasensorat eai beasa diehtit makkár árvosáni ledjet ožžon vuosttaš sensureremis, árvosáni čilgehusa eai ge du váidaga čilgehusa. 

• Jus váiddasensoriid árvosátni spiehkasta ordineara árvosánis guvttiin dahje eanet árvosániin, de galgá ásahus árvvoštallat ášši ođđasit ovdal loahpalaš árvosátni mearriduvvo. 

• Jus álgo eksámenboađus lei mearriduvvon sihke čálalaš ja njálmmálaš eksámena vuođul ja árvosátni čálalaš oasis rievdaduvvo ođđa váiddasensuvrras, de galgá ođđa njálmmálaš eksámen čađahuvvot vai loahpalaš árvosátni sáhttá mearriduvvot.  

Árvosáni váiddát StudentWebas: 

• Deaddil “Mer/More” ja “Begrunnelser og klager/ Examination appeals”.
• Vállje rievttes eksámena ja deaddil “Klage på sensur/Appeal against grade” 
• Loga ja duođaš ahte dovddat eavttuid ja deaddil “Send”
• Don sáhtát StudentWebas geassit váidaga ruovttoluotta nu guhká go ođđa árvosátni / váidaga boađus ii leat vel almmuhuvvon.
• Jus du oahpus ii sáhte váidit árvosáni StudentWebas, de sádde váidaga e-boasttii eksamen@samas.no