Sámi allaskuvla lágida čállinbáji sámegiela ja sámi girjjálašvuođa doavttirgrádastudeanttaide ja daidda fágabargiide geat leat mielde Sámi allaskuvlla gelbbolašvuođaloktenprográmmas. Dán vuoro sii leat čoahkkanan Gilbbesjávrái Helssega universitehta biologalaš stašuvdnii, ja leat doppe mánnodagas 16.2.26 bearjadahkii 20.2.26. Čállinbáji ulbmilin lea studeanttaide ja fágabargiide láhčit čállinmovtta ja čállinráfi nu, ahte beaktilit ovdánit čállinbargguiguin. Govas leat Sámi allaskuvlla doavttirgrádastipendiáhtat Mira Rauhala, Mai Britt Utsi, Mikkel Rasmus Logje ja Saia Marilena Stueng, gelbbolašvuođaloktenprográmma oasseváldit Anni Magga-Eira ja Maarit Magga, ja professorat Torkel Rasmussen ja Annika Pasanen. Veaga duohken gis cáhká dat mihtilmas várri Sáná.