Anni-Helena Ruotsala lea servodatdiehtagiid stipendiáhtta Sámi Allaskuvllas Giela, duoji ja servodatdiehtagiid goađis. Son čađaha teknihka doaktára dutkosa eanangeavaheami plánema ja johtolatteknihka doavttirprográmmas Aalto universiteahtas, Suoma bealde.

Ruotsala dutkka nákkosgirjjistis mot ja makkár dieđuid vuođul eará eanangeavaheami vahágat boazosápmelaččaide árvvoštallojuvvojit, meroštallojuvvojit ja ákkastallojuvvojit golmma iešguđet diehto-/máhttovuogádagas, mat ovttas hábmejit dálá eanangeavaheami guoski mearridanproseassa Suoma beale Sámis. Guorahallon diehto-/máhttovuogádagat leat juridihka, báikediehtu ja boazosápmelaččaid árbevirolaš máhttu. Guovddáš doaba man bokte vahát analyserejuvvo dán dutkamušas lea birgejupmi. Ruotsala nákkosgirjedutkamuš lea máŋggadieđalaš ja váldá vuolggasaji máŋgga teorehtalaš rámmas, nu mot politihkalaš ontologiijas.