Ođđasat
- Nákkáhallá siiddastallanárbevieruid birra
- Dutkanbeivviid nammaárvalanvuorbádeami vuoiti vuorbáduvvon
- Nákkáhallá dearvvašvuođa dutkama birra
- Ovttastahtti journalistihkka čohkke journalisttaid
- - Buorre fálaldat Sámi allaskuvllas
- Disputere sámi dearvvašvuođadutkama birra
- Muitosátni Einar Berglandii
- Lihkkosávaldagat studeantastivrii
- Vuolgge north2north lonohallamii giđđat 2016!
![Samedikkis Bilde fra sametinget](https://samas.no/sites/default/files/styles/hovedbilde/public/livis_posterii.jpg?itok=rl-MdM31)
borgemánu 23. beaivi 2017
Válgadigaštallan Sámi allaskuvllas
Sámi allaskuvla ja Guovdageainnu lagasrádio (GLR) lágidit válgadigaštallama dán duorastaga, 24.08.17 dii 18.00 Diehtosiiddas, Guovdageainnus.
Mii leat bovden njunuš politihkkáriid geat servet Sámedikkeválgii. Deike bohtet sámediggepresideanta Vibeke Larsen (Šiella), ráđđelahttu Inger Eline Eriksen Fjellgren (Árja), parlamentáralaš jođiheaddji Aili Keskitalo (NSR), rektor Ellen Inga O. Hætta (Olgeš), Kåre Olli (Bargiidbellodat), badjeolmmoš Berit Marie E. Eira (Johttisámiid listu) ja badjeolmmoš Hans Ole Eira (guovddáš).
Mii leat válljen golbma fáttá; nuorat, oahppu ja boahtteáigge višuvnnat Sámis.
Buohkat leat bures boahtin go dát lea áidna digaštallan dán vuoro Ávjovári válgabires dahje Sis-Finnmárkkus.
Mediat leat bures boahtin čuovvut digaštallama.