Ođđasat
- Ođđa direktevra sajis juovlamánu rájes
- Studeanttat eai dárbbat šat doalahit mehtera gaskka oahpahusas
- Vihtta hástalusa sámi demokratiijas
- QR - kodat njoammumiid vuohttin oktavuođas
- Maid sáhtát čoavdit ovdal go oahppu álgá?
- Guhkiduvvon áigemearri sáddet abstrávtta
- Oahppojagi 2021/22 álgin
- It leat vel ohcan oahpposaji čakčii? Mis leat rabas oahpposajit!
- Abstrákta dieđiheapmi Sámegiela ja sámi girjjálašvuođa symposiai
![Hanna Mattila Portrettbilde av Hanna K. Mattila](https://samas.no/sites/default/files/styles/hovedbilde/public/field/image/hannamattila24.7.jpg?itok=FLA7O-qs)
Suoidnemánu 27. beaivi 2018
Sámi girječállit – Ofelaččat ja servodaga váikkuheaddjit
Sámi allaskuvla lea Sámi Dutkamiid Guovddážiin ovttas doallan seminára ja digáštallama Sámi allaskuvlla Hanna Kristiina Mattilain Márkomeannu riemuin.
Jo badjelaš 100 jagi girjjálašvuohta lea leamaš sámiide guovddáš sagastallanarena áššiin, mat guoskat servodaga, kultuvrra, giela, ealáhusaid ja ekologiija.
Logaldallan fálai retrospektiiva geahčastaga dasa, mo Sámi girječállit leat áiggiid čađa gieđahallan ain áigeguovdil temáid, numo guovttegielatvuođa, kultuvrralaš soardideami, luonddu billisteami ja kolonialisma ja mo sin teavsttat leat váikkuhan sámiid iešdovdui ja servodatlaš dillái. Logaldallan maid digaštalai dálá Sámi girječálliid váikkuhanvejolašvuođaid, ođđa girjjálaš temáid ja otná beaivvi hástalusaid.
Hanna Kristiina Mattila logaldalai Márkomeannu stuoralávus, bearjadaga suoidnemánu 27. beaivvis.