Ođđasat
- Lea áin vejolaš ohcat giđa oahpuide
- Etablering av samisk kompetansesenter for lærerutdanningene
- Sámi allaskuvlla rektor Laila Susanne Vars lea válljejuvvon UHR Samisk ođđa jođiheaddjin
- Musihkka ja juoigan dehálaš oassin oahpaheaddjeoahpuin
- Ollu vejolašvuođat Sámi buohccidivššároahpuin Sámi allaskuvllas
- Sáhttá go bajásgeassin leat menddo dorvvolaš?
- Sámi allaskuvlla ávvudanjahki loahpahuvvo seminárain 1989-2089
- Guhkiduvvon ohcanáigemearri giđa 2020 oahpuide
- Studeantaweb láidehus
![Seminaras seksualalaš illasteami veahkaváldima birra. Bilde fra seminar om overgrep og seksuelt missbruk.](https://samas.no/sites/default/files/styles/hovedbilde/public/field/image/p1020853_0.jpg?itok=lDNn_5OM)
Buorre mánnávuohta bistá eallinagi
Sámi allaskuvla lágidii 14.2.2018 seminára man namma lei Buorre mánnávuohta bistá eallinagi ja lei veahkaválddálašvuođa ja seksuálalaš illásteami birra. Semináras ledje badjel 100 oasseváldi ja sullii 25:s čuvvo seminára njuolggosáddaga.
- Lei hui mávssolaš, dehálaš ja earenoamáš seminárabeaivi. Oaččuimet ollu dieđuid, ođđa jurdagiid ja eambbo ipmárdusa veahkaválddálašvuođas ja seksuálalaš illásteamis. Mii sávvat olbmot leat ožžon čiekŋaleappo áddejumi dan fáttáš dadjá allaskuvlalektor Inker Anni Linkola, gii lei mielde lágideamen seminára.
![Eilif Norvang, RESAG jođiheaddji ja Inker-Anni Linkola, vuosttaš amanuensa Bilde av Eilif Norvang og Inker-Anni Linkola](https://samas.no/sites/default/files/styles/hovedbilde/public/p1020910.jpg?itok=XpeFR6TS)
Eilif Norvang, RESAG jođiheaddji ja Inker-Anni Linkola, vuosttaš amanuensa. Inger Anne Siri Triumf govvii.
Seminára logaldallit Margrethe Bals Utsi ja Anne Lene Turi Dimpas SÁNÁG:as muitaleigga man dehálaš lea máná oaidnit ja fuomášit máná. Mánáidsuodjalusa fágalaš jođiheaddji Guovdageainnu suohkanis Berit Anette Hætta juogadii midjiide dieđuid goas galgá ja sáhttá váldit oktavuođa mánáidsuodjalusain. RESAG jođiheaddji Eilif Norvang humai tabua ja heahpada birra, man birra eat láve hupmat. Prošeaktajođiheaddji Amathea vuođđudusas Ingunn Eriksen čájehii movt sáhttit hupmat mánáiguin ja nuoraiguin seksualitehta birra ja dutki Kristine Nystad lea muitalan movt sámi kultuvrralaš suodjalanfáktorat sáhttet nannet nuoraid. Leat oahppan man dehálaš lea hupmat mánáin ja nuorain ja doarjut su árgabeaivvis. Sunna Máret Gaup Utsi muitalii iežas duohta vásáhusa mii lea vuođđun su lávlagii, mainna loahpahii seminára.