Skuvlajahki álggahuvvon

Sámi allaskuvlla doalai almmolaš rahpandilálašvuođa odne 19.08.2015.

Diehtosiidda sáhkaskáidi dievai odne go Sámi allaskuvllas rahppojuvvui ođđa skuvlajahkái.
Sámi allaskuvlla ovddeš rektor Jelena Porsanger sirddii rektordoaimma ođđa rektorii Gunvor Guttorm. 

Elle-Hánsa, Hans Ragnar Mathisen nammaduvvui Sámi allaskuvlla gudnedáiddárin.
Guovdageainnu suohkana sátnejođiheaddji Klemet Erland Hætta buvttii dearvvuođaid ja studeantastivrra  jođiheaddji Mikkel Rasmus Logje muitalii ođđa studeanttaide vejolašvuođaid.

Mingá joavkku Iŋgá-Máret Gaup-Juuso guoimmuhii luđiiguin.
Ovddeš Sámi ofelaččat sirde ofelašdoaimma ođđa ofelaččaide. 

Govat Sámi allaskuvlla Facebookas