Fágavirggiid virgáibidjanorgána mandáhtta, oktiibidjan ja doaibman njuolggadusat. Mearriduvvon Sámi allaskuvlla stivrras 7.3.2018 (ášši S-13/18, áššenummir 18/00082)

Fágavirggiid virgáibidjanorgána rolla ja fápmudus 

1. Fágavirggiid virgáibidjanorgána (FVO) lea Sámi allaskuvlla stivrra (allaskuvlastivrra) vuollásaš virgáibidjanorgána allaskuvla ja universitehta lága § 6-3  vuođul. FVO dahká iežas mearrádusaid allaskuvlastivrraid fápmudusa vuođul ja lea sierra hálddašanorgána. FVO sáhttá muđui dahkat mearrádusaid maid allaskuvlastivra bivdá ja daid rámmaid siskkobealde maid allaskuvlastivra iešguđet áiggi lea mearridan galgá gustot dan doibmii.

2. FVO lea buot Sámi allaskuvlla oahpahan- ja dutkanvirggiid virgáibidjanorgána, earret professora- ja doseantavirggiide.  

3. FVO lea maiddái daid virggiid virgáibidjanorgána mat leat njuolga čadnon oahpahussii, dutkamii dehe muđui buvttadit fágalaš sisdoalu, vaikko dain ii leat oahpahan- ja dutkanvirggiid virgekoda. 

4. FVO meannuda buot áššiid lágaid ja njuolggadusaid vuođul virgáibidjanorgána meannuda dáid virggiid ektui.

5.  FVO nammada áššedovdilávdegottiid buot oahpahus- ja dutkanvirggiide, ja doavttergrádastipendiáhtta virgiide.
 
FVO oktiibiddjo čuovvovaččat: 

1. Okta fágabargi oktan persovnnalaš várrelahtuin gean Giela, duoji, boazodoalu ja servodatdiehtagiid goađi bargit válljejit.
2. Okta fágabargi oktan persovnnalaš várrelahtuin gean Sámi oahpaheaddjeoahpuid ja álgoálbmotjournalistihka goađi bargit válljejit.
3. Okta bargi oktan persovnnalaš várrelahtuin gean fágasearvvit nammadit.
4. Giela, duoji, boazodoalu ja servodatdiehtagiid goađi jođiheaddji. Son nammada ieš iežas várreláhttu doaibmaáigodaga vuosttaš čoahkkimis dehe go várreláhttu luohpá.
5. Sámi oahpaheaddjeoahpuid ja álgoálbmotjournalistihka goađi jođiheaddji. Son nammada ieš iežas várreláhttu doaibmaáigodaga vuosttaš čoahkkimis dehe go várreláhttu luohpá.
6. Direktevra. Su várreláhttun lea oahppo- ja dutkanhoavda.  

Bargiidhoavda buktá virgáibidjanárvalusa FVO:i.