Man ollu sáhtát kopieret?

Kopinor-šiehtadusa olis sáhttet studeanttat ja bargit kopieret, čálihit ja ráhkadit digitála kopiijaid (PDFaid) girjjiin, áigečállosiin ja eará almmuhuvvon materiálain, ja maiddái sisdoaluin rabas interneahttasiidduin. Seamma njuolggadusat gustojit sihke ovttaskaskopiijaide ja kompendiaide.
 

Dán sáhttá kopieret:

Girjjiin:

• Studeanttaide: Gitta 15% rádjái siidologus juohke fáttás juohke lohkanbájis.

• Bargiide: Gitta 15% rádjái siidologus, dattetge olles kapihttala dehe teakstaoasi, olles novealla dehe olles scene neaktinbihtás.

Dieđalaš áigečállagiin:

• Studeanttaide: ovtta artihkkala dihto nummáris juohke oahppoovttodagas juohke lohkanbájis.
• Bargiide: ovtta artihkkala, ovtta nummáris. 

Artihkkaliidda mat leat olámuttus dáhtabásain gustojit sierra njuolggadusat.

Aviissain, almmolaš áigečállagiin jna. sáhttá kopieret vaikko man ollu. Dát gusto maid materiálaide mat lobálaččat leat almmustuvvon rabas interneahttasiidduide.

Nuohtain (eaŋkilnuohtain ja nuohttačoakkáldagain): Gitta 15% rádjái, muhto eanemusat 10 siiddu juohke almmuhusas, dattetge ovtta olles teakstaoasi ded. teoriijaoahpahussii.

Kopinor-šiehtadus gusto siskkáldas geavaheapmái, ja digitála kopiijaid ii sáhte bidjat rabas interneahttasiidduide. Kopieren ii galgga boahtit muđui lunddolaš almmuhusaid gávppašeami sadjái.
 

Almmut gáldu

Almmuhusa namahus ja dahkkivuoigatvuođaoamasteaddji galgá almmuhuvvot.

Dán siiddu sisdoallu lea vižžojuvvon Kopinor-šiehtadusas (dárogillii) mii lea gaskal Kopinora ja universitehtaid ja allaskuvllaid. Geahča maiddái gustojeaddji kopierenšiehtadusa (dárogillii) universitehtaid ja allaskuvllaid várás.