Sonia Hedhili
- Ledjen allaskuvllas lonuhallanstudeantan sámegiela ja girjjálašvuođa bachelorprográmmas. Fáttát ledje hui miellagiddevaččat ja oahpaheaddjit ja oahpahusat ledje buorit. Neahttavahkkus lea maiddái vejolaš studeret eará guovllus go Guovdageainnus, mii lea dehálaš studeanttaide geat eai oro dáppe. Girjerájus lea vuogas ja doppe leat buorit sajit studeret. Mus lei nu lihku go bessen studeret allaskuvllas! Lean oahppan nu olu dušše njealje mánus.
Allaskuvllas lea hui buorre dovdu, danin go bargit leat nu ustitlaččat. Buori dovdu dagaha maid dan ahte ieš skuvladálus lea álki loaktit: lea dáidda, lea vejolaš dolastallat, studeanttagoarttain lea vejolaš fitnat allaskuvllas go lea dárbu, lea vejolaš geavahit massagestuolu, sávdnut ja valáštallat.
Sámi allaskuvla lea 10/10.
Kurage Kohji Ohhashi
– Álgen Sámegiela ja sámi girjjálašvuođa jahkeovttadahkii go áigon ovdánahttit iežan sámegielmáhtu.
Åsa Márgget Anti
Lean PPO oahpus erenoamážit oahppan dan mo sámi árbemáhtu laktit skuvlii ja oahpásmuvvan maiddái oahpahusmálliide eará álgoálbmogiin.
Joret Mihkkal Bals
– Olmmoš fuobmá man nuorra čálalaš sámegiella lea. Go logat sámegiela ja sámi girjjálašvuođa bacheloroahpu de soaittát vel fuobmát mii sápmelaš lea.
Gisle Soleng
- Áigi lea buoremus oahpaheaddji. Sámi oahpaheaddjeoahppu lea erenoamáš buorre go sámi giella ja kultuvra lea nu nanus oassi juohke fágas.
Inger Márjá Nilut
Olles PPO-oahppu ja measta visot lohkanmearri lea sámegillii. Beassat hárjehallamii gos oaidnit movt oahpaheaddji bargu lea.
