Obbalaš bagadusat

(Ođastuvvon cuoŋomnu 6.b. 2021)

Norgga ráđđehus lea njukčamánu 25. b. mearridan ođđa njoammueastadandoaimmaid vuoi dávda ii beasa njoammut guovlluide gos lea unnán njoammun. Doaibmabijut gustojit duorastaga njukčamánu 25. b. rádjai. Cuoŋománu 14. b. dáhkka Norgga ráđđehus ođđa árvvoštallama doaibmabijuid ektui.

Váldoávžžuhusat

  • Buohkat geat sáhttet galget ruovttukantuvrras bargat.  
  • Buot oahpahusat lágiduvvojit digitálalaččat. Earenomáš ákkaid vuođul beassá dihto oahpuid fysalaččat lágidit.
  • Diehtosiida lea rabas studeanttaide ja besset ain geavahit lohkansajiid, girjerádjosa ja hárjehallanlanja.
  • Ávžžuhit buot bargiid ja studeanttaid unnimus lági mielde mátkkoštit ja eará olbmuiguin servvoštallat.
  • Doala 2 mehtera gaskka earáide earret daidda geaiguin ásat ovttas. Jus ii leat vejolaš doallat 2 mehtera gaskka, de lea ávžžuhus geavahit njálbmesuoji. Dán lea earenomáš dehálaš geavahit jus ásat guovllus gos lea olu njoammun dahje guovllus gos vurdet olu olbmuid beassážiidda.

Allaskuvla dárkkista geažos áiggi gustovaš njoammuneastadannjuolggadusaid vai lágideamit sáhttet čađahuvvot. Studeanttain ja bargiin lea ovddasvástás diehtit makkár njoammuneastadandoaibmabijut gustojit Diehtosiiddas vai mii sáhttit oahpuid ja bargguid čađahit.

Muitte desinfiseret 
Muitte desinfiseret lohkansaji, luohkkálanja ja čoahkkinlanja ovdal ja maŋŋil geavaheami.  
 
Hárjehallanlatnja 
Hárjehallanlatnja lea gitta 31.03 rájes 06.04 rádjái.

Deháleamos njoammuneastandoaimmat:

1. Buohcan ja erren (geahča errenbagadusa dás vuollelis)

  • Jus leat buohcci dahje illáveaje, de galggat orrut ruovttus.
  • Jus leat erremis, de it galgga boahtit Diehtosiidii.

2. Ráinnasvuohta

  • Basa gieđaid dávjá ja dárkilit loika sáibočázis. Jus ii leat čáhci, geavat giehtasprihta.
  • Gastit ja gossat galgá njunnebáhpira sisa máid bálkestat, dahje jus ii leat bábir, de giehtagávvii.
  • Basa gieđaid ovdal go guoskkahat ámadaju ja ovdal go boradat.

3. Doalat gaskka eará olbmuide

  • Doalat unnimusat 2 mehtera gaskka nuppi olbmui juohke sajis.

Dilli sáhttá fáhkkestaga rievdat, ja nu maiddái doaibmabijut. Dan birra dieđihit dáppe neahttasiiddus.

4. Mátkkošteapmi

Ávžžuhit buot bargiid ja studeanttaid garvit dárbbašmeahttun mátkkiid.

Dus lea alddát ovddasvástádus dárkilit lohkat gustovaš njuolggadusaid mat gusket rádjarasttildeapmái.  Ferte earenomážit iskkat ahte lea go dus lohpi rasttildit rájá, makkár duođaštusat ja iskosat gáibiduvvojit ja makkár errengáibádusat gustojit. Dárkileabbo dieđuid gávdnojit dáppe: Innreisekarantene ved ankomst til Norge - FHI

Errennjuolggadusat

Dus lea alddát ovddasvástádus čuovvut mielde makkár njuolggadusat gustojit áiggis áigái. Mii rávvet geahččat Norgga Álbmotdearvvašvuođainstituhtta neahttasiiddu dieđuid errema ja isolašuvnna birra.

Jus dus lea feber dahje eará korona buozanvuođamearkkat, de galggat isoleret iežat nu jođánit go vejolaš, ja váldit oktavuođa doaktáriin tlf 116 117.