Obbalaš bagadusat

(Ođastuvvon guovvamánu 14.b. 2022)

Norgga ráđđehus lea mearridan loahpahit korona doaibmabijuid 12.02.22 rájes.

Eiseváldiid oppalaš rávvagat ja ávžžuhusat leat ain:

  1. Fuolat buori giehta – ja gossanhygiena. 
  2. Váldde boahku.
  3. Biso ruovttus jus leat buohcci.
  4. Váldde iskosa jus aitto leat ožžon dávdamearkkaid.

Ráđđehusa neahttasiiddus leat eambbo nationála rávvagat ja ávžžuhusat dárogillii.

Áiggut go boahkuhuvvot?
Buohkat allaskuvlla studeanttat ja bargit, maiddái sii geat leat álbmotregistrerejuvvon eará suohkanis, ožžot fálaldaga váldit koronaboahku Guovdageainnu dearvvašvuođabálvalusas. 
Diŋgo áiggi boahkuheapmái suohkana dearvvašvuođabálvalusas, telefunnummár 78 48 72 60 dahje 116117, dahje diŋgo digitálalaččat Helse Norge neahttasiiddus.

Iskosat
Dál lea loahpahuvvon gáibádus ahte dássedit galgá iskkahit. Dál galget dušše sii geain leat vuoiŋŋahatbuozanvuođamearkkat iskkahit iežaset. Ovdakantuvrras sáhttet studeanttat ja bargit oažžut iešiskosa.

Erren ja isolašuvdna

  • Olbmot geaidda koronavirus lea njommon ávžžuhuvvojit orrut ruovttus 4 jándora dan rájes go dávdamearkkat ihte, ja vel 24 diimmu maŋŋelii go feber manai badjel.


Eanet dieđut koronavirusa (Covid-19) birra:

-Ođđa riikkaviidosaš njoammuneastadandoaimmat, vai hálddašit dili - regjeringen.no

Álbmotdearvvašvuohta (FHI) neahttasiiddus gávnnat ođastuvvon dieđuid koronavirusa birra. 

- HelseNorge

- Ráđđehus 

- Boađat go eará riikkas Norgii?