Ođđasat
- Ohcciidlohku lassánan ollu moatti jagis
- Ruvdnaprinsa ságastalai studeanttaiguin
- Liv Inger Somby lea Sámi allaskuvlla ođđa rektor
- Ná ozat Samordna opptak bokte
- Ruvdnaprinsapárra finada Sámi allaskuvllas
- Girječállioahppu 1 ja 2
- Háliidii sámi birrasa
- Elektruvnnalaš rektorválggat gitta 14.04.23 rádjái
- Oza čavčča oahpuide!
![](https://samas.no/sites/default/files/styles/hovedbilde/public/field/image/pexels-photo-990819.jpg?itok=xhGFZ2vH)
Ođđa vejolašvuohta ohcat Sámi allaskuvlii
Sámi allaskuvllas lea dál loahppasisaváldin guoros oahpposajiide 2021 čavčča oahpuide. Dál lea vejolašvuohta sidjiide ohcat geat ledje árvvoštallan ohcat, muhto eai ollen. Oahpuide sáhtát ohcat otná beaivvi rájes 01.09. ja loahpalaš ohcanáigemearri lea 05.09.
Fuom! Mii fuomášuhttit ahte ohccit galget deavdit gustojeaddji sisabeassangáibádusaid jus gálget váldot sisa studeantan. Dieđut gávdnojit min ruovttusiiddus ovttaskas oahpuid vuolde. Oppalaš lohkangelbbolašvuođa gáibádusat gávdnojit Samordna opptak siiddus. Muhtin oahppofálaldagain sáhttet erenoamáš gáibádusat. Dát čilgejuvvojit sierra iešguđet oahppofálaldagas.
Prográmmaoahput
Jus háliidat ohcat rabas oahpposajiide prográmma oahpus, de ozat oktasaš sisaváldima siiddus, Samordna opptak.
Dáid prográmma oahpuide lea ain vejolašvuohta ohcat oktasaš sisaváldimis:
- Sámegiela ja sámi girjjálašvuođa bachelorprográmma BA SÁM, koordináhtor Outi Guttorm
- Sámi mánáidgárdeoahpaheaddjeoahppu, koordináhtor Inga Berit Sara Skum
- Sámi vuođđoskuvlaoahpaheaddjeoahppu 1.-7. ceahkki master, koordináhtor Ylva Jannok Nutti
- Sámi vuođđoskuvlaoahpaheaddjeoahppu 5.-10. ceahkki master, koordináhtor Rauna Rahko-Ravantti
Oahppoovttadagat
Jus háliidat ohcat oahppoovttadagaide, de ozat báikkálaš sisaváldimis, Søknadsweb.
Dáid oahppoovttadagaide lea ain vejolašvuohta ohcat báikkálaš sisaváldima bokte:
- DUO 121 Knowledge of indigenous cultural expressions and arts, koordináhtor Inga Elisa Påve Idivuoma
- OSK 1000/1001 Osku ja eallináddejupmi sámis, koordináhtor Lovisa Mienna Sjøberg
- Árbediehtu / Tradisjonell kunnskap, koordináhtor Inger Marie Gaup Eira
- Samisk språkdidaktik med fokus på muntlig tradition och grundläggandefärdigheter, koordináhtor Elisabeth Utsi Gaup
- Oahpaheaddji digitála gelbbolašvuohta ja gáiddusoahpahusa čađaheapmi, koordináhtor Rauni Äärelä-Vihriälä
Sisabeassangáibádusat
Gáibádussan beassat studeantan Sámi allaskuvlii lea oppalaš lohkangelbbolašvuohta ja sámegiella. Jus dus ii leat oppalaš lohkangelbbolašvuohta, de sáhtát ohcat reálagelbbolašvuođa vuođul. Sámi allaskuvlla vuođđooahpuin ja eanaš eará oahppofálaldagain gáibiduvvo dihto dási sámegielmáhttu.
Sádde duođaštusaid
Visot dokumentašuvnnat mat leat ohcamii guoskevaččat, fertejit laktojuvvot ohcamii dahje sáddejuvvot jođánepmosit maŋŋel ohcama registrerema ja ovdal čakčamánu 6.beaivvi.
Ohcciin geat ohcet oahpaheaddjeohppui ja praktihkalaš pedagogalaš ohppui, gáibiduvvo politiijaduođaštus. Dan doaimmahat Sámi allaskuvlii mannjel go leat váldon ohppui sisa. Politiijaduođaštusa ozat www.politi.no.
Oktavuođadieđut
Jus leat gažaldagat dahje váttisvuođat ohcat ohppui, váldde oktavuođa juogo
Ronja Christine Oskaliin, (+47) 78 44 85 31, ronjaoskal@samas.no
dahje
Oahppohálddahusain, oahppohalddahus@samas.no