Vállje oahpuid maid don háliidat ja geavat áiggi nu go don háliidat!

Čoakke alccat 180 oahppočuoggá: 

• Unnimusat 80 oahppočuoggá čiekŋudeapmi ovtta fágasuorggis, mas unnimusat 20 oahppočuoggá leat čiekŋudandásis
• Unnimusat 30 oahppočuoggá nuppi fágasuorggis.
• Unnimusat 10 oahppočuoggásaš smávva dutkanbarggu.
• 60 oahppočuoggá válljet friddja.
• Unnimusát 60 oahppočuoggá galget leat čađahuvvon Sámi allaskuvllas, ja 60 oahppočuoggá eai galgga leat oassin ovdal olahuvvon grádas dahje ámmátoahpus.
  
  Oza ja oaččo dohkkehuvvot oahpuid. 

Mii lea friddja bachelor? 

Friddja bachelor lea bachelorgráda (180 oahppočuoggá), mas lea čiekŋudeapmi (80 oahppočuoggá) ovtta fágasuorggis, omd sámegiella ja sámi girjjálašvuođas, sámi journalisthkas, duodji ja hábmemis, boazodoalus. Eará oahppoásahusa oahput sáhttet maid dohkkehuvvot oassin Sámi allaskuvlla friddja bacheloras.  

Manne friddja bachelorgráda? 

• Bargoohcamii lea dus alitoahpu duođaštus
• Sáhtát masterohppui ohcat

Oza dákko: Friddja bachelorgráda ohcanskovi

Čuovvovaš bealit leat mielde friddja bachelora ohcama árvvoštallamis: 

• Gráda ferte deavdit gáibádusaid Sámi allaskuvlla oahpuid ja eksámena láhkaásahusa § 2 b) vuolde; ahte unnimustá 80 oahppočuoggá čiekŋudeapmi ovtta fágasuorggi siskkobealde mas unnimusát 20 oahppočuoggá leat čiekŋudandásis, ja unnimustá 30 oahppočuoggá nuppi fágasuorggis. Gáibiduvvo ahte studeanta čađaha ovtta iešheanálaš barggu man viidodat leat 10 oahppočuoggá.
• Dan 80 oahppočuoggá čiekŋudeamis ferte leat unnimusat 20 oahppočuoggá čiekŋudandási oahput (200- dahje 2000- dási oahput).
• Buot oahppoovttadagat galget leat bachelordásis
• Unnimusat 60 oahppočuoggá grádas galget leat čađahuvvon Sámi allaskuvllas (gč. Sámi allaskuvlla oahpuid ja eksámena láhkaásahusa § 2)
• Unnimusat 60 oahppočuoggá grádas eai galgga leat oassin eará grádain maid leat olahan (gč. Sámi allaskuvlla oahpuid ja eksámena láhkaásahusa § 2)

Váldde oktavuođa oahppohálddahusain jus leat gažaldagat friddja bachelora birra.

Geahča maiddái: Sámi allaskuvlla oahpuid ja eksámena láhkaásahusa