Ruovttukántuvra
(Ođastuvvon 18.5.20 dii 1630)
Diehtosiida lea fas rabas bargiide. Bargit sáhttet ain bargat ruovttokantuvrrain jus lea vejolaš.
Álkis doaibmabijut máid berret čuovvut vai eastadat dávdda leavvamis:
- Leat go buohcci dahje dovddat nuorvodávdamearkkaid (gosahaga, čottabákčasa, febera ja nie), de galggat orrut ruovttus, it ge mannat Diehtosiidii.
- Galggat gieđaid bassat sáibočáziin dávjá ja dárkilit, dahje desinfiseret gieđaid.
- Ale guoskkahala ámadaju gieđaiguin.
- Ale gosa ja gastte earáid guvlui.
- Gosa ja gastte sihkkunbáhpirii. Jus dus ii leat sihkkunbábir sadjosis, gosa/gastte giehtagávvii.
- Ale buorástahte gieđain.
- Geavat gardnjila dahje sihkkunbáhpira go rabat uvssa uksageavjjain, ja deaddil gardnjiliin dahje čippiin elektriska uksarahpan boalu.
- Geavat sihkkunbáhpira dahje čoavddakoartta, it ge suorpma, go deattát sisabeassankoda uksaguoras. Basa dahje desinfisere koartta maŋŋil.
- Leage dárkil giehtabassamiin maŋŋil go leat hivssegis fitnan; geavat sihkkunbáhpira go deaddilat doidinboalu, go giddet čáhcebohcci maŋŋil go basset gieđaid ja go rabat uvssa.
- Doalat unnimusat 1 mehtera gaska eará olbmuide.
Dás gávnnat olles plána mas leat doaibmabijut máid bargit leat geatnegáhttojuvvon čuovvut go barget Diehtosiiddas: