Vejolaš čovdosat go mánáidgárddit/skuvllat leat giddejuvvon

Vejolaš čovdosat go mánáidgárddit ja skuvllat leat giddejuvvon

Jus bargi ferte leat ruovttus mánáin/mánáiguin dan geažil go skuvllat ja mánáidgárddit leat gidden, de lea dehálaš, nu movt álo, ahte gulahallat iežat lagamus jođiheddjiin ja dan bokte gávdnat čovdosa.

16.03.20 dáhkkui šiehtadus gaskkal stáda, YS, LOstat, Akademikerne ja Unio ahte “kjernetid” (09:00-14:30) váldo eret. Dat mearrádus lea guhkiduvvui 24.04.20 ja bistá dál gitta 15.09.20  rádjai. Šiehtadusa ulbmil lea sihkkarastit stuorát geabbilvuođa bargoáiggis, vai bargit sáhttit fuolahit iežaset dehálaš doaimmaid - maiddái koronaroasus. Jus oainnát dutnje lea váttis bargat dábálaš bargoáiggis dan geažil go dus lea mánná/leat mánát ruovttus, de lea dál stuorát vejolašvuohta heivehit bargoáiggi du dárbbuide ja dilálašvuhtii. Gulahallá fal iežat lagamus jođiheddjiin dákkár dilis. 

Jus ii leat vejolaš bargat, de lea bargis geas mánná/mánát, riekti fuolahanruđaide/”omsorgspenger”. ESSai merket dan “fraværssøknad” – Sykt barn. Bargo- ja sosiáladepartemeantta lea 20.03.20 mearridan ođđa láhkaásahusa mii addá váhnemiidda rievtti duppalgeardde fuolahusruhtabeivviide 2020is:

·         1 dahje 2 máná 12 jagi dahje nuorat- oažžuba 20 beaivvi goabbáinai 2020is

·         3 dahje eambbo máná geat leat 12 jagi dahje nuorat-  oažžuba 30 beaivvi goabbáinai 2020is

·         Oktováhnemiin ja váhnemiin geain leat kronalaš buohcci mánná/mánát leat viiddiduvvon rievttit fuolahanruhtabeivviide.

Beaivvit mat leat juo geavahuvvon 2020is, gessojuvvojit eret. Láhkaásahus lea doaimmas 13.03.2020 rájes. 

Go ii leat vejolašvuohta bargat olles bargobeaivvi

Jus ii sáhte bargat olles beaivvi, de lea molssaeaktu váldit lahkkebeaivi/diimmuid velferdspermišuvdnan, HTA §22 vuođul. Gulahallá fal iežat lagamus jođiheddjiin dákkár dilis. Čálgovirgelobi/velferdspermišuvnna lea vejolaš juohkit lahkkebeivviide ja maiddái diimmuide.  ESSas merket dán "fraværssøknad" ja "velferdspermisjon med lønn". Bija kommentára "korona". Deavdde das makkár áigodagas it bargga.  

Jus leat gažaldagat daid ortnegiidda, de válddát oktavuođa bargiidossodagain, čujuhus personal@samiskhs.no

(rievdaduvvon 25.03.20 dii 12.43)