Sáhkavuorru

Dás beasat oahpásmuvvat dutkamii ja dutkanfáttáide guoimmuhanvugiin Sámi allaskuvla Podkasta bokte. Podkasta prográmmajođiheaddjit leaba girjjálašvuođa professor Harald Gaski ja filbmadahkki Per Josef Idivuoma. 

Juohke episodas beasat oahpásmuvvat Sámi allaskuvlla dutkiide ja dutkanfáttáide. Sii čilgejit álkkes vuogi mielde iežaset dutkanprošeavttaid birra, seammás go muitalit manin sii beroštišgohte juste daid áššiid guorahallat mii šattai sin karriearan.

Ulbmil podkasttain lea gaskkustit dutkama ja dutkiid fágalaš sisdoalu guoimmuheami bokte. Seammás garvit dutkiid árbevirolaš ovdanbuktinvuogi – logaldallama.

Fáttát maid birra ságastallet leat sámi báikenamat, juoigan, duodji, álgoálbmotjournalistihkka ja sámi biepmuid birra.

Podkastráidu lea gávdnamis rávdnjenbálvalusain, ee Spotify ja Apple Podcast.