SáMOS konferánsa "Unna olbmožiid dihtii"

Sámediggi/SáMOS ovdánahttinprošeakta lágida konferánssa ovttas Sámi allaskuvllain mánáidgárdedutkiide, -pedagogaide ja eará fágaolbmuide njukčamánu 21.-23. b. 2023 Diehtosiiddas Guovdageainnus.

Konferánssa fáttát leat sámi- ja álgoálbmotpedagogihkka ja didaktihkka. Konferánssas ovdanbuktojuvvojit SáMOSa bohtosat ja vásahusat.

Konferánsagielat:

Konferánsagielat leat sámegiella, dáro-/ruoŧagiella ja eŋgelasgiella. Visot logaldallamat dulkojuvvojit digitála kanálaid bokte dien golmma giela gaskka. Mii ávžžuhit buohkaid váldit mielde iežas smartphone, pc dahje neahttabreahta + bealljebuncciid jus lea dárbu dulkka bokte čuovvut logaldallamiid.

Neahta bokte oassálastin:

Lea vejolaš searvat digitálalaččat. Dulkon doaibmá maiddái digitála logaldallamiin.

Čájáhusat:

Konferánsabáikái lea vejolaš bidjat diehtojuohkinmateriálaid nu go omd. standabeavddi, postera ja/dahje rollup. Lea nuvttá sadji. Váldde oktavuođa Sámi allaskuvllain jus háliidat várret saji.

Boradeapmi:

Beaiveborramuš juohke beaivvi ja mállásat 22. beaivvi leat Diehtosiidda kantiinas. Mállásat distaga 21.3. leat lávus olggobealde Thon hotealla. Dalle ferte bivvu biktasiiguin gárvodit.

 

Govven Árvu.