Bovde Sámi Instituhta 50 jagi ávvudeapmái

Sámi Instituhta ásaheamis lea dál gollan 50 jagi. Sámi allaskuvla, masa Sámi Instituhtta laktojuvvui 2005:s, áigu gudnejahttit ja čalmmustahttit Sámi Instituhta mávssolašvuođa sámi akademiija vuođđudeaddjin.

Sámi allaskuvla lágida ávvudoaluid ja rektor Liv Inger Somby bovde dál ávvudoaluide Guovdageidnui skábman.

Guovttebeaivásaš ávvudoaluin fuomášuhttit Sámi Instituhta mearkkašumi dálá sámi dutkamii. Ávvudoaluin ovdanbuktojuvvo dálá sámi dutkama dilli ja maiddái boahtteáiggi dutkandárbbut ja -áigumušat.

• Skábmamánu 13.b.- 14.b .2024 bovdet NSI ávvudoaluide, go ásahus lea doaibman 1974-2024. 
• Prográmma gávnnat dás.

Lágideapmái lea vejolaš dieđihit vaikko vel it leat bovdejuvvon sierra bovdehusain.

Dieđihanáigemearri lea 15.9.2024.

• Dieđihanvejolašvuohta lea dán liŋkka bokte: https://nettskjema.no/a/nsi2024

Sáhtat maiddái sáddet eboastta postmottak@samas.no / 78 44 84 00