Diehtun ahte ohcanáigemearri PED 606 Sámi pedagogihkka mánáidgárddis ohppui guhkiduvvo 10.01.21. radjái. Ohcanáigemearri ii šat guhkidovvo maŋŋel.
Ođasvuorká
Ohcanáigemearri guhkiduvvon
Diehtun ahte ohcanáigemearri oahpuide mat álget dán giđa leat guhkiduvvon 18.12.2020 radjái. Dat guoská buot oahpuide mat ledje almmuhuvvon ohcanládje ovdal ordineara ohcanáigemeari.
Sámi logut muitalit
Sámi statistihka fágalaš analysajoavku lea mannan vahku almmuhan raportta Sámi logut muitalit 13. Raporttas leat artihkkalat main ovdanbuktojuvvojit iešguđet fágasurggiid dilit ja maiddái rávvagat.
Annika Pasanen virgáduvvon Sámi allaskuvlla ođđa professoran
Sámi allaskuvlla stivra lea virgádan Annika Pasanena sámi sosiolingvistihkka professora virgái. Annika Pasanen lea nákkáhallan doavttirin jagi 2015:s anárašgiela ealáskahttima fáttás.
Sámi allaskuvla almmuha ođđa podcasta
Dál beasat oahpásmuvvat dutkamii ja dutkanfáttáide guoimmuheami bokte go Sámi allaskuvla almmuha ođđa podcasta “Sáhkavuorru”. Podcasta prográmmajođiheaddjit leaba girjjálašvuođa professor Harald Gaski ja filbmadahkki Per Josef Idivuoma.
61 ohcamuša sámi buohccidivššároahpu 25 sadjái
Oahppu álggahuvvo Sámi allaskuvllas ođđajagimánus 2021, ja lea ovttasbargu UiT- Norgga Árktalaš Universitehtain.
Sámi allaskuvlla ja Norwegian Crafts ovttasbargu duodjeantologiijain
Sámi allaskuvllas ja Norwegian Craftsas lea ovttasbargu buvttadit antologiija mas čiekŋudit duodjái, ja mii lea máŋgga gillii. Antologiija doaimmaheaba Gunvor Guttorm, duodjeprofessor ja Harald Gaski, sámekultuvrra ja girjjálašvuođa professor.
Stádabušeahtta 2021
Sámi allaskuvlla rámmaruhtadeapmi lassána 6,8 miljon ruvnnuin (7 %). Ovddit jagiid buorit studeantalogut ja ođđa sámegiela álgooahpu ođđa studeantasajit dat čilgejit lassáneami.
Dutkanbeaivvit 2020
Sámi allaskuvla lágida guhtta oanehis neahttalogaldallama iešguđet fáttás ja ovtta ságastallankafèa luođi/juoigama birra dutkanbeivviid.
