Dieđavahkku

Sámiráđđi ja Sámi allaskuvla lágidit sámi dutkanbeivviid Diehtosiiddas geassemánu 10.b.-13.b. 2025. Mihttun dáinna deaivvademiin lea čohkket sámi dutkiid nu viidát go vejolaš miehtá Sámi. Dieđavahkus leat logaldallamat, ságastallamat, čájáhusat ja maiddái lágidat oktasaš keynote logaldallamiid.

Áigemearri sáddet sisa Call for Papers lea 31.01.2025. Dan maŋŋil de ráhkaduvvo prográmma.

Báiki: Diehtosiida ja eará ásahusat, Guovdageaidnu

Praktihkalaš dieđut ilbmet DutkanSápmi - Dieđavahkku 2025 neahttasiidui. Sáhtát dál juo dieđihit iežat e-poastačujuhusa dien siidui, de oaččut dieđuid njuolga e-postii dađimielde go bohtet áigemearit, prográmma jna.