Seminára BIRGEJUPMI THROUGH ART & DUODJI

Birgejumi Through Art & Duodji maŋimus seminára guorahallá eamiálbmogiid dáidaga ja duoji reaidun birgejupmái. Dan ulbmil lea juogadit máhtu, ovddidit gulahallama ja ovdánahttit metodologiijaid mat vuođđuduvvet eamiálbmogiid máilmmiipmárdussii.

Seminára lea maŋimus oassi DáiddaDálu Birgejupmi-čoahkkanemiin, mat leat ráhkadan arenaid gos dáiddárat, duojárat ja máhttogaskkusteaddjit leat suokkardan movt dáiddalaš praksisat váikkuhit kultuvrralaš ceavzilvuhtii, máhttogaskkusteapmái ja álgoálbmogiid boahtteáigái.

Semináras lea sáhka máhtus, ovttasbarggus ja dávggasvuođas. Dat lea ráhkaduvvon ovttasráđiid Sámi allaskuvllain, ja dat láhčá dáiddáriidda, duojáriidda ja máhttolaččaide vejolašvuođa nannet iežaset bargovugiid ja struktuvrraid dáiddafágalaš, akademalaš ja servodatfágalaš oktavuođain.

Interdisiplineara čájáhus ja dáiddaprográmma, maid Dáiddadállu ja ovttasbargoguoimmit leat ráhkadan arktalaš ovttasbarggu bokte, lea guovddážis semináras. Prográmma čalmmustahttá dáiddalaš perspektiivvaid ja bidjá dáiddáriid ja duojáriid jienaid ságastallama guovddážii, mii váikkuha reflekšuvnnaide mat hábmejit sihke kulturbarggu ja politihka.

- Cuoŋománu 7. b. bohtet guossit ja dalle rahppojit fas čájáhus ja álggahuvvojit artista ságastallamat.

Seminára lágiduvvo Sámi allaskuvllas ja Dáiddadálus, Guovdageainnus

8.4.2026

Fáttán lea Guorahallat birgejumi álgoálbmotkonteavsttas, dan oktavuođa eatnamiidda ja čáziide, ja dan mearkkašumi dáiddalaš ja duodjegeavadagaid siskkobealde. Dáiddalaš prošeavttaid ja geavadagaid ovdanbuktimat sihke vuđolaš digaštallamat das mo álgoálbmotdáiddárat Kalaallit Nunaat, Kanadas ja Sámis ovdánahttet dálááiggi dáidaga ja duoji.

9.4.2026

Duorastaga geahčadit, mo odná beaivve struktuvrrrat barget oahpahit, hárjehit ja nannet dáidaga ja duoji Sámis, Kalaallit Nunaat ja Kanadas. Seammas jearrat, mo ovddidit ođđa málliid oahpahussii, hárjehallamii ja kapasitehtahuksemii?

10.4.2026 

Oktasaš bargobádji, reflekšuvdna ja vuđolaš digaštallan das mo dálá dáiddalaš geavadagaid, dáiddára jođihan álgagiid ja ásahuvvon struktuvrraid sáhttá en nannet ja buoridit. Digaštallat movt ovddidit ođđa málliid oahpahussii, hárjehallamii ja kapasitehtahuksemii mat integrerejit praktihkalaš, ealli metodaid, čatnet kritihkalaš teoriija ja ollašuhtton geavadagaid. Figgat meroštallat, man guvlui lea buorre vuolgit bargat ja váldit vuhtii ođđa álgagiid.

Dát sešuvdna lea vuosttažettiin logaldalliide ja bovdejuvvon prográmmaoassálastiide.