Dutkanbeivviid seminára Deanus
16.9 dii 11:00 - 18:30
Dutkanbeivviid seminára Deanus.
Fáddá: Luohttevašvuohta gaskal luossabivdiid, dutkiid ja hálddašeaddjiid Deanus.
Gos: Deanušalddis – Besøkssenter villaks i Tana Joddu AS.
Seminára luohttevašvuođa birra gaskal luossabivdiid, dutkiid ja hálddahusaid Deanus
Dán jagáš dutkanbeivviid váldofáddán lea luohttevašvuohta. Vaikko guorahallamat čájehit ge ahte mii leat daid riikkaid searvvis main lea eanemus luohttevašvuohta, de leat goitge guovllut gos duhtameahttunvuohta sáhttá leat stuoris.
Sámi servodagain gos árbevirolaš eallinvuogit ain leat nannosat, dás sáhtte čuoččilit vuostáldasvuođat báikkálaš olbmuid, dutkiid ja eiseválddiid gaskkas.
Dát vuostálasvuođat bohtet čielgasepmosit oidnosii go árbevirolaš máhttu ii adnojuvvo árvvolažžan mearrádusoktavuođain.
Luossa lea leamaš Deanu čázádaga ássama vuođđun hui guhkes áiggi, ja lunddolaččat maiddái sámi kultuvrra vuođđun. Deanu čázádagas lea sáhka duháhiid jagiid birra, ja máŋgga mearrasámi guovllus aŋkke 1800-logu maŋit oasi rájes. Dál lea luossanálli nu vuollin ahte das leat njuolggo váikkuhusat sámi kultuvrii - go luossabivdu lea gildojuvvon máŋga jagi.
Sámi allaskuvla lea sámi dutkanásahus mii lea sakka fuolastuvvan dan geažil mii dál dáhpáhuvvá, ja lea danne ovttasráđiid Luossaguovddážiin, Joddu AS, válljen bidjat guovddážii dan duođalaš hástalusa mii sihke johka- ja mearrasámi kultuvrras lea
Dan oktavuođas dollojuvvo seminára Deanus čakčamánu 16. b., gos mii bidjat stuorra fuomášumi hástalusaide mat dál leat.
Prográmma:
11.00 Boradeapmi
12.00 Betydningen av ulike kunnskapstyper i Deatnu/Tanadalen? – førsteamanuensis Solveig Joks, Sámi allaskuvla og daglig leder Hege Persen, Besøkssenter villaks Tana Joddu A/S Iešguđetlágan máhttovuođaid mearkkašupmi Deanučázadagas? - vuosttašamanueansa Solveig Joks, Sámi allaskuvla ja beaivválaš jođiheaddji Hege Persen, Guossástallanguovddáš Joddu A/S
12.30 Forsker Einar Eyþórsson – Maid dál? Mii dál? Máhttu ja luohttámuš hálddašeamis
13.15 Gáffeboddu
13.30 Seniorráđđeaddi Sturla Brørs, Birasdirektoráhtta - Deanu luosa hálddašeami máhttovuođđu
14.00 Dutki Steinar Pedersen – Láhkageatnegahtton sajáldat árbevirolaš máhtus Deanu luosa hálddášeames?
14.30 Dutki Anders Foldvik, Norsk institutt for naturforskning, NINA - Dutkama ja árbevirolašmáhtu gaskavuohta luossadutkamis, luossadutki perspektiivvas (teams)
15.00 Gáffeboddu
15.30 Árbevirolaš guolásteaddji, Solbjørg Ravna - "Oalggebadjel geahččat" Leago mis ain lohpi leahkit dás?
16.00 Direktevra Olaf Trosten, Deanu čázádaga guolástanhálddašeapmi - Luossabivdu Deanus - Hehttehussan, muhto geasa?
16.30 Stivrajođiheaddji Rune Aslaksen, Deanu čázádaga guolástanhálddášeapmi – Go báikkálaš máhttu ii váldojuvvo duođas, de dat hástala luohttámuša.
17.00 Gáffeboddu
17.15 Plenumságastallan: Mii dárbbašuvvo hukset guhkesáigásaš luohttámuša Deanu luossahálddašeapmái?
18.00 Loahpaheapmi