Sihkarvuohta ja gearggusvuohta
Dán siiddus gávnnat dieđuid mat gusket sihkarvuhtii ja gearggusvuhtii Sámi allaskuvllas. Gávnnat earret eará dehálaš heahtenummáriid, dieđuid maid galggat bargat heahtedilis ja mo allaskuvla bargá eastademiin, sihkarvuođain ja gearggusvuođain.
Jus heahti / In case of emergency | Heahtenummarat:
|
Buollinsuodjalus bargo- ja oahppobirrásis | Bagadus das maid galggat dahkat jus Diehtosiida buollá. |
Go juoga dáhpáhuvvá | Dás gávnnat dieđuid maid galggat dahkat heahtedilis dahje eará duođalaš dáhpáhusain. |
Eastadeapmi | Dás gávnnat dieđut mo sáhtát eastadit várálaš ja sávakeahtes dáhpáhusaid |
Sihkarvuohta
| Sámi allaskuvla galgá leat oadjebas oahpo- ja bargobáiki studeanttaide ja bargiide. Danin lea dehálaš fuolahit buori sihkarvuođa árgabeaivvis, eastadit duođalaš dáhpáhusaid ja doalahit nanu gearggusvuođa. Allaskuvla galgá aktiiva ja buori sihkarvuođabarggu bokte fuolahit sihke fysalaš sihkarvuođa allaskuvlla lokálain ja IT-/ja informašuvdnasihkarvuođa. |
Gearggusvuohta | Mii fertet leat gergosat dustet vuorddekeahtes dáhpáhusaid. Nu sáhttit eastadit sávatkeahtes duođalaš dáhpáhusaid, ja leat gergosat gieđahallat daid jus dat goitge čuožžilit.
|
Riskaanalysat- ja árvvoštallamat
| Allaskuvla dahká jotkkolaččat riskaanalysaid- ja árvvoštallamiid identifiseren dihte daid eanemus jáhkehahtti dáhpáhusaid mat sáhttet čuožžilit, ja čađaha árvvoštallamiid vuođul doaibmabijuid unnidan dihte riska. Riskaanalysat- ja árvvoštallamat leat vuođđun gearggusvuođaplánabargui.
|
Gearggusvuođaplána
| Allaskuvlla gearggusvuođaplána lea heivehuvvon ásahusa ovddasvástádusa ektui. Gearggusvuođaplána lea veahkkin barggus sihkkarastit heakka ja dearvvašvuođa, fuolahit bargiid, studeanttaid ja lagamuččaid, ja fuolahit siskkáldas ja olgguldas kommunikašuvnna. Gearggusvuođaplána ii leat almmolaš. |
Gearggusvuođa-joavku
| Allaskuvlla gearggusvuođajoavkkus čohká allaskuvlla jođihangoddi. Jus heahtedilli dehe kriisa čuožžila, čoahkkana joavku ja kriisastába ásahuvvo.
|
Kriisa | Lea heahtedilli dehe eará duođalaš dáhpáhus, mii sáhttá áitit bargiid, studeanttaid dehe allaskuvla vuođđodoaimma. Kriisat vissis sturrodagas fuolahuvvojit heahteetáhtain ja eará profeššunála instánssain geain allaskuvla dárbbaha veahki.
|
Kriisahárjehallan
| Allaskuvla čađaha gearggusvuođahárjehallamiid, ráhkkanan dihte dustet kriissaid ja heahtediliid mat sáhttet čuožžilit.
|