Sámi logut muitalit 18 almmuhuvvon
Sámi statistihka fágalaš analysajoavku almmuhii otne 18.11.26 18 raportta Sámi logut muitalit-ráiddus Sámedikkis.
Dán jagáš raporttas leat guhtta artihkkala mat čuvgejit Duohtavuođa- ja seanadankommišuvnna barggu iešguđet beliid ja sámi servodatgažaldagaid.
-Dán jagi «Sámi logut muitalit» buktá ovdan dehálaš gažaldagaid sámi vuoigatvuođaid, vuoiggalašvuođa ja servodatdiliid birra. Artihkkalat fuomášuhttá movt mánát geain lea sámi gullevašvuohta šaddet oaidnemeahttumin mánáidsuodjalusa institušuvnnain. Raporttas maid čuvgejit movt májoretáhta álbmot ádde soabadeami, ja viidáseappot makkár hástalusat sámegielat oahpaheddjiin leat dasa mii guoská oahpponeavvuide. Dasto lea guorahallon makkár ipmárdusat guolásteddjiin leat vuoiggalašvuođa birra riddoavádatplánemis, ja dasto vel movt mediat leat govvidan Fosen-ášši. Ovttas ođasmahttojuvvon statistihkalaš čoavddaloguiguin addá dát viiddis máhttovuođu ipmirdit hástalusaid ja ovdánansárgosiid sámi servodagas, dadjá Sámi statistihka fágalaš analysajoavkku (FASS) jođiheaddji Inger Marie Gaup Eira.
Sihke dán jagáš artihkkalat ja daid ovddit Sámi logut muitalit artihkkaliid sáhtát lohkat sihke dárogillii ja sámegillii sámi logut muitalit neahttasiiddus