Kin musea bargit – Dáládáidaga Dávvirvuorká Gironis Ruoŧas - leat leamaš oahpásmuvvanreaissus ee. Guovdageainnus Diehtosiiddas 26.8.2025. 

Kin musea lea beroštuvvan dálá duodjái ja sámiid dáidagii ja lea fállan čájáhusbaikki ja resideanssa máŋgga duojárii ja đáiddárii. Dat lea veahkeheame sámiid ja eamiálbmogiid duoji ja dáidaga oinnolašvuhtii. Gieskat sis nogai čájáhus, gos Sámi allaskuvlla fágabargit Gunvor Guttorm ja Maarit Magga leigga mielde. Fargga sis rahpasa čájáhus, mas leat omd. Johan Turi ja Outi Pieski barggut oidnosis.

Sii háliidedje diehtit Allaskuvlla birra, duodje ja hábmen oahpuin ja oaidnit makkár álmmolaš dáidda gávdno Diehtosiiddas, man KORO, dahje DAVI lea doaimmahan álmmolaš huksehusaide Norggas. Galledeamis badjánedje jearáldagat, gii vállje Sámi guovllu sámi asahusaid dáidaga ja mii lea diehtovuođđu ja ulbmil válljemiin. Ságastallan iežas ládje nannii dárbbu  "Sámi Curatorship 10 ECTS" mahttui, man Allaskuvla lea plánemin lágidit 2027 giđđat oassin Duoji ja hábmema bachelor prográmma ja bođu oahppun. Ohppui sáhttet ohcat maid Sámi allaskuvlla olggobealat studeanttat. Dát oahppu lágiduvvo oassin Birgejupmi EU Horizon prošeavtta.

Govas gurut ravddas Kin museas direktevra Maria Lind, Paulina Sokolow, resideanssa artista Eleonora Edreva, bargi ja Emma Pettersson Juntti ja Allaskuvllas prorektor Samuel Valkeapää.

Lassedieđut

KIN - https://kinmuseum.se/ns 

DAVI (KORO) https://www.regjeringen.no/se/dep/kud/kulturdepartemeantta-organiseren-ja-jodiheapmi/etater-og-virksomheter-under-kulturdepartementet/Vuollasa-asahusat/davi--daidda-almmolas-visttiin/id408528/

Duodje oahput allaskuvllas: https://samas.no/se/oahput?search_api_fulltext=&direction_of_study%5B820%5D=820

Birgejupmi EU Horizon: https://birgejupmi.eu/ 

Govven: Grete Bergstrøm