Sámi allaskuvlla stivra loktii golggotmánu 23 beaivvi 2025 vuosttašamanueansa
Johanna Ijäs Gaup professorin sámegielas. Njealji mánus lea Sámi allaskuvla
virgádan njealje ođđa professora.

Ijäs Gaup lea bargan sámegiela fágasuorggis 90-logu rájes. Sus lea guhkes
bargovásáhus sámegiela oahpaheaddjedoaimmas sihke universitehta- ja allaskuvladásis.
Son lea maiddái bargan dutkin ja oassálastán dutkanprošeavttain.
Ođđa professoris lea ollu vásáhus rájáid rasttildeaddji dutkanovttasbarggus ja
almmustahttimis. 

Professordási olaheapmi lea árvvolaš olaheapmi sihke Ijäs
Gaupii, muhto maiddái Sámi allaskuvlii. Professorgelbbolašvuohta lea alimus
akademalaš gelbbolašvuohta man akademiija fágavirggehas sáhttá olahit. Sámi
allaskuvlla rektor, Liv Inger Somby, lohká ahte dát lea ilolaš ođas olles Sámi allaskuvlla
fágabirrasii.

– Ijäs Gaup lea máŋggaid jagiid bargan buori fágalaš kvalitehta olaheami ovdii. Son lea
ovddidan dutkanbargguid ja čájehan beroštumi ja áŋgiruššama studeanttaide. Go son dál
olaha professorgelbbolašvuođa lea ánsun su buori bargui, muhto maiddái sámegiela fága
ovdáneapmái Sámi allaskuvllas, lohká Somby.