Musihkkaklubba

Sámi allaskuvlla rektoris buressivdniduvvon musihkkaklubba ásahuvvo movttiidahttin dihtii Allaskuvlla musihkkáriid ja musihkkárávdnasiid. Klubba deaivvademiin dollojuvvo rabas lávdi, masa gii beare oažžu ovdanbuktit musihka, luođi dahje sullasačča.

Jurdda lea ahte Klubba deaivvada dollagáttis muhtun duorastagaid diibmu 14 dán giđa káfe juhkat ja musiseret. Buohkat leat de dáid deaivvademiide bures boahtin. Kantiidna lea vel lohpidan juoidá ráhkadit juste dáid káffebottuid várás. Vuosttaš háve lea nuvttá gáffe ja máisttagáhkku gaskal 14:00 ja 14:20.