Kick-off prošeavttas "Sámi máná áigumušat boahttevuođa árbevirolaš máhtuin: Mánáidgárddi, skuvlla ja lagasbirrasa máhttofievrrideapmi"

Sámi allaskuvlla lágidit vuosttáš  bargobaji prošeavttas Sámi máná áigumušat – Sámi mánáidgárddi, skuvlla ja lagasbirrasa máhttofievrrideapmi. Prošeakta lea ruhtaduvvon Norgga Dutkanráđis ja prošeavtta áigodaga lea 20150801-20170731. Prošeakta lea akšuvdnadutkanprošeakta ulbmiliiguin ovdánahttin sámi kulturvuođđuduvvon oahppanarena ja oahppandoaimmaid. Guovddáš prošeavttas leat mánáidgárddis mánáidskuvlii sirdašumi, oahpaheddjiid máhttu ja konkrehtalaš barggu mánáidgárddis, skuvllas ja oahpaheaddjeoahpus, ja ohppiid ja studeanttaid mielváikkuheamit. 

Prošeavtta dutkanulbmilat leat čilget, digaštallat ja kritihkalaččat árvvoštallat:

• sámi mánáidgárddi, mánáidskuvlla ja oahpaheaddjeoahpu árgabeaivvi ja ovdánahttindárbbuid oahpaheddjiid čalmmiiguin
• árbediehtu ja baikkalaš gálduid geavaheami sámi oahpahusas mánáid, ohppiid ja studeanttaid vuolggasajiid
• mánáid, váhnemiid, bearrašiid ja studeanttaid vuordámušaid mánáid ovdáneami ja oahppama ektui sámi mánáidgárddis, mánáidskuvllas ja oahpaheaddjeoahpus
• sámi ja eamiálbmoga oahpahus, oahpponeavvuid ja oahppoplánaid.

Mii galggat čađahit oahpahusaktivitehtaid mánáidgárddis, mánáidskuvllas ja oahpaheaddjeoahpus ja ovdánahttit oahppogihppagiid sámi mánáidgárddiide, mánáidskuvllaide ja oahpaheaddjeoahpuide.