Bistevaš design čájáhus

Sámi allaskuvla lea dán čavčča lágidan vuosttas gearddi oahppu mii lea gohčoduvvon Bistevaš design. 

Lea 15 oahppočuoggá oahppu mas studeanttat leat lagabuidda oahpásmuvvan sierralágan duddjomii ja hábmemii mas váldá vuhtii kultuvrralaš ja ekologalaš bistevašvuođa. Studeanttat leat  geahččaladdan báikkálaš ávdnasiid, nugo guollečuomaid/náhkiid dikšut ja dain duddjon dujiid, leat ođđasit duddjot (redesignen) oapmebiktasiid ja nu duddjoma bokte bargan bistevašvuođain. Studeanttat leat maiddái barggadettiin oaidnán duddjoma ja designa sullasašvuođaid ja sierranasvuođaid.

 
Mánnodaga 15.12, dii 1800 rahppo čájáhus Sámi allaskuvllas gos beassá de oaidnit bohtosiid studeanttaid bargguin. 

Eanet dieđu čájáhusa ja oahpu birra sáhttá oažžut koordináhtoris Britta Marakatt Labbas. mobil +46705906569