Latest news
- School sessions and gatherings autumn 2022
- 6 good reasons to study at Sami University of applied sciences
- Cooperation agreement signed
- Call for abstracts: Landscape Practices Conference
- New student ambassadors for Sámi University of Applied Sciences in Russia
- Inga Juuso – Tribute concert: Free tickets for students at Sámi University of Applied Sciences
- Welcome to register to the online part of the Sámi Education Conference 2021
- Start of studies autumn 2021
- The application deadline for autumn semester studies 2021 has been extended!
![Vuosttašamanueansa Lovisa Mienna Sjöberg. Govven: Roger Manndal/Sámi allaskuvla. Nissonolmmoš čáhppes báidi ja silba risku badjelis.](https://samas.no/sites/default/files/styles/hovedbilde/public/field/image/lovisa_mienna_sjoberg._govven_roger_manndal.jpg?itok=0UPTbgJ7)
Lovisa Mienna Sjöberg oažžu dutkanbálkkašumi
Su nákkosgirji mainna gearggai 2018:s rámiduvvo vuođđobargun teologalaš dutkansuorggis. Miessemánu 3. beaivvi váldá vuosttá bálkkašumi Uppsalas Helga trefaldighets girkus.
Lovisa nákkáhalai 2018:s nákkosgirjjiin «Att leva i ständig välsignelse. En studie av sivdnidit som religiös praxis».
Movttiidahttá ođđa dutkama
Lea ”Stiftelsen Sverige och kristen tro” mii geige bálkkašumi, sii čállet ná mearrádusaset birra:
"I sin studie av sivdnidit har Lovisa Mienna Sjöberg lyft fram en nordsamisk religiös praktik och övertygande hävdat att den kan ses som kontextualisering av kristen tro i samisk kultur och syn på naturen.
Det utmanar till förnyad reflexion kring kristologins kosmiska dimensioner men också en teologisk analys av de dikotomier som efter reformationerna i Sverige byggdes upp mellan folkliga kulturer och kristen tro och som först på 1800-talet observerades av folklivsforskningen.
Lovisa Mienna Sjöbergs forskningar erbjuder en fördjupad förståelse av samisk kultur och kristen tro på ett sådant sätt att den bör kunna inspirera till ny forskning också inom andra områden. Genom avhandlingen har ny mark brutits inom ett viktigt teologiskt forskningsfält".
-Sámi allaskuvla beassá báittašit
Lovisa oaččui juo juovlamánu dieđu ahte sutnje geigejuvvo bálkkašupmi, muhto ii áibbas jáhkkán dasa go diehtu ilmmai e-bostii:
- In, álggos jurddašin ahte lea ruskaboasta, muhto de ohcagohten dieđuid sihke sáddejeaddji ja vuođđudusa birra. Muhto de vel riŋgejedje, ja de gal ipmirdin ahte lea albma. Munnje persovnnalaččat lea dieđusge hávski ahte mu nákkosgirji oažžu nu stuora fuomášumi ja buori árvvoštallama. Mu mielas lea gal vel deháleabbo ahte Sámi allaskuvla oažžu vejolašvuođa báittašit Uppsalas ja eará nanu akademalaš birrasiin. Lean nu giitevaš buot veahkkáivuođas ja gelbbolašvuođas mii gávdno Sámi allaskuvlla seinniid siskkobealde. Vástádus ollu gažaldagaide gávdno hui dávjá min feaskáriin, dadjá Lovisa.
Háliidii čállit oadjebas ja ráhkislaš áššiin
Lovisa barggai oahpaheaddjin Sámi allaskuvllas go bargagođii nákkosgirjjiin.
- Oahpaheaddjin háliidin čállit juoidá man birra studeanttat humadedje, ja mas beroštedje. Seammás háliidin čállit dan birra mii lea oadjebas ja olbmuid váimmu lahká servvoštallamis iežaset eallimis ja movt deaivvadit dainna mii lea sivdniduvvon.
Nákkáhallan lei dás Diehtosiiddas. Ii leat dábálaččat lohpi čáđahit nákkáhallama olggobealde Oslo Universitehta (Teologalaš fakultehta) iežaset mearriduvvon báikkiid. Ákkastallan dasa lei nákkosgirjji earenoamáš fáttas, ja lei lunddolaš suovvat dán nákkáhallama dáhpáhuvvat nákkosgirjji váimmusguovllus ja daid ollu áhkuid gulu.
Oslos allaárvosaš doavtternammadeamis válljejuvvui Lovisa Mienna Sjöberg doallat giittossártni buot ođđa doaktáriid ovddas. Sárdni almmuhuvvui dan maŋŋil rektor Svein Stølen bloggii ja Khrono neahttabáikái. Sártni sáhttá dás lohkat: