Lullisámi dánsunkursa

Leat go gearggus beassážiidda dánsut Báktehárjjis? It go? Boađe minguin oahppat čaffadis lullisámi dánsunlihkastagaid (sydisdánsun)!

Sámi ofelaččat lullisámi dánsunkursa lea bivnnuhis fálaldat. Dán jagi, nu go eará ge jagiid, šaddá rabas, nuvttá lullisámi dánsunkursa. Kursa lágiduvvo Sámi allaskuvlla/ Diehtosiidda kantinas, skilleduorasta 28. b. njukčamánus dii. 16.00- 17.30. Dánsunoahpaheaddjit leaba Lars- Jon Gråik ja Inga Máret Solberg Åhrén.

Mii guossohit nuvttá snoahpamuša ja juhkosa, ja juohke oasseváldi lea mielde vuorbádeamis gos mii vuorbádit čáppa vuoittu. Mis leat liigevuoittut 2. ja 3. sadjái maiddái.

Buresboahtin buohkaide!

Geahča lullisámi dánsuma dáppe https://www.youtube.com/watch?v=6NuRjaV9Sxw

Miellágideaddji lea Sámi beassášfestivála.