Latest news
- Official Opening of the Student House
- Official Opening of a New Academic Year
- Concert in the canteen 16.08!
- Get to know our new principal
- Tuition fees for international students
- School sessions and gatherings autumn 2023
- Become a student at Sámi University of Applied Sciences this fall!
- Unique on-line courses on special education
- Landscape Practices-conference in Kautokeino is open for registration
![Risten Lansman, Hanne R. Løfsnes, Antonio Spagnolo, Hilde Fiva Buzungu, Joret Mihkkal Bals.](https://samas.no/sites/default/files/styles/hovedbilde/public/field/image/5o6a5083.jpg?itok=DykMXK_c)
Nanu dulkaáŋgiruššan sámegielain Sámi allaskuvllas
Sámi servodagain eai leat doarvái dohkkehuvvon dulkkat. Danin nannejit dál oahpahusásahusat ja Integreren- ja máŋggabealatdirektoráhtta (IMDI) fágalaš ovttasbarggu dulkkaid dohkkehit, sihke davvi-, lulli- ja julevsámegielas.
- Min ásahus lea dál dohkkehan guhtta ođđa sámegielat dulkka ja pláne vel sámi dulkaoahpu. Lea oassi min servodatovddasvástádusas, dadjá Sámi allaskuvlla rektor Liv Inger Somby.
Guđas leat čađahan guovttegielatiskosa ja fargga álgá dulkaoahppu
Lagabui 20 jagi leat ásahusat Oslos fuolahan ovddasvástádusa sihke dohkkehit ja oahpahit sámegiela dulkkaid.
2022:s sirdojuvvui Sámi allaskuvlii ovddasvástádus dohkkehit sámegielaid dulkkaid, ja dál leat guhtta vuosttaš dulkka čađahan ja ceavzán dulkaiskosa guovttegielatiskosa (Tospråktesten). Moatti vahku geahčen galget ođđa dulkkat čađahit kurssa mas ohppet dulkka ovddasvástádusa, ja das maŋŋil de biddjojit sii Nationála dulkaregistarii – www.tolkeregisteret.no
- IMDI sávvá lihkku Sámi allaskuvlii dainna dehálaš bargguin mii lea 2023:s dahkkon ja go lea mearridan ásahit dulkaoahpu. Dulkaoahppu šaddá dehálaš oassi allaskuvlla dulkadohkkeheami fágabirrasa nannemis, dadjá IMDI direktevra, Libe Riber-Mohn.
Riber-Mohn lea maid duhtavaš oahppoásahusaid ovttasbargguin.
- Lassin lea illudahtti go golbma oahppoásahusa main lea juo dulkaoahppu, OsloMet, Høgskulen Vestlánddas ja NTNU, dál ožžot searvái ođđa allaskuvlla davimus guovllus, dadjá Riber-Mohn.
Dá lea dušše álgu stuorát sámegielaid dulkaáŋgiruššamis Sámi allaskuvllas. Dán jagi galget dohkkehuvvot vel eambbo dulkkat davvisámegielas. Dasa lassin galget ásahuvvot fálaldagat sihke lullisámegielas ja julevsámegielas. Allaskuvla lea maid mearridan ásahit sierra dulkaoahpu, ja galgá ásahuvvot stáhtaautoriserengeahččaleapmi dulkomis buot sámegielain.
![]() |
Govva: Sámi allaskuvlla Joret Mihkkal Bals ja Risten Lansman illudeaba ovttas IMDI bargiiguin Hanne Løfsnes, Antonio Spagnolo ja Hilde Fiva Buzungu go dál fargga leat guhtta ođđa dulkka dulkaregisttaris. Josefine Somby, Karen Proksi, Sara Ellen Anne Eira ja Inger Máret Ánne Eira Gaup leat njealljis sis geat leat kvalifiserenvuogádaga bokte dohkkehuvvon dulkkat.
Sámegiela galgá beassat geavahit dohkkehuvvon dulkka bokte
Rektor Liv Inger Somby Sámi allaskuvllas lea hui duhtavaš bohtosiiguin mannan jagi, go dulkadohkkehanfálaldat addá buriid bohtosiid.
- Sámi servodagat dárbbašit dulkkaid ja dan dihte lea sámi dulkaoahpu ásaheapmi okta lávki rievttes guvlui. Leat menddo unnán sámegielat dulkkat, danin mii fertet viidát jurddašit, riikarájáid badjel vai nagodit olahit buriid ja dohkkehuvvon fágabargiid Sámi allaskuvlii, dadjá rektor Liv Inger Somby.
Dat mearkkaša ollu boahtteáiggis buohkaide geat dárbbašit dulkka sámegiela ja dárogiela gaskkas. 2022:s bođii dulkaláhka (Lov om offentlige organers ansvar for bruk av tolk) ja dan lága vuođul lea ge dál gáibádus ahte dulkkat galget dohkkeheami čađahit. Seanadan- ja soabahankommišuvnna raporttas boahtá maid ovdan man dehálaš lea ahte Norggas lea seamma buorre dulkavalljodat sámegielain go máŋgga eará gielain lea juo guhká leamaš.