Dieđit spiehkasteami

Spiehkastatskovi sáhtat deavdit elektrovnnalaččat: Spiehkastatskovvi

dahje čálihit olggos dán spiehkastatskovi ja doalvut ovdakantuvrii. Sáhtat maid sáddet boastta dahj e-boastta mielde Sámi allaskuvlii.  

Spiehkasteapmi lea kvalitehtamihtuid váilevaš olaheapmi. Spiehkasteamit leat maid dilálašvuođat ja dáhpáhusat mat hehttejit Sámi allaskuvlla doalahit ja buoridit kvalitehta. Obbalaččat sáhttá lohkat ahte spiehkasteapmi mearkkaša ahte juoga ii leat nu mo mii definerejuvvon kvalitehtagáibádusaid vuođul álgoálggus eaktudeimmet ahte dat galggai leat. Dieđiheamit sáhttet ovdamearkka dihte guoskat:

  • Bálvaleapmái ja hálddahuslaš beliide
  • Fysalaš beliide, lanjaide, vistái
  • Elektrovnnalaš fasilitehtaide

Dát sáhttá leat:

  • Vahát, lihkohisvuohta ja measta lihkohisvuođat
  • Boasttuvuođat ja váilevašvuođat
  • Lágaid ja láhkaásahusaid rihkkun
  • Siskkáldas rutiinnaid ja njuolggadusaid rihkkun
  • Boasttuárvvoštallamat  
  • Váilevašvuođat sosiálalaš ja fysalaš oahppobirrasis, oahpahusa ja oahppandoaimmaid kvalitehtas, oahpuid hálddašeamis jna.

Arkiivvas sáddejuvvo spiehkastat diehtu guoskevaš jođiheaddjái, geas lea ovddasvástádus čuovvolahttit spiehkastatdieđu. 

Jus ášši guoská ohppui, de lea oahppohoavddas ovddasvástádus sáddet dieđu guoskevaš oahpu goahtejođiheaddjái ja koordináhtorii. Goahtejođiheaddji galgá sihkkarastit ahte koordináhtor bidjá johtui buoridandoaimmaid. Spiehkasteami dieđiheaddji galgá dohkkehit spiehkasteami čuovvolahttima ja čovdosa.

Spiehkastatdieđut galget meannuduvvot nu jođánit go vejolaš ja maŋemusat 2 vahkku maŋŋel spiehkastatdieđu dieđiheami. Dát doaibma ii galgga buhttet beaivválaš gulahallama gaskkal studeantta ja bargi. 

Spiehkastatdieđuid meannudeapmi ja stáhtus galgá leat oassin jahkásaš kvalitehtaraporttas. Raporterema ulbmil lea sihkkarastit ahte spiehkasteamit registrerejuvvojit ja biddjojit viidásit rievttes olbmui, nu ahte dárbbašlaš doaimmat sáhttet biddjot johtui eastadan, gávdnan ja divvun dihte boasttuvuođaid ja váilevašvuođaid.

Geahča maid áinnas dán siiddu. Dáppe čilgejuvvo earret eará maid galggat dahkát jus dihto áššit čuožžilit. Dát siidu lea dárogillii ja eŋgelasgillii. 

www.sikresiden.no