Post Fovsen ákšuvnnaid- Movt dál viidásit?

Oallugat, earret eará sámi nuorat, leat leamaš oaivegávpogis dáistaleame Fovsen duomu váilevaš čuovvoleami dihte. Sámi allaskuvlla studeanttat leat sávvan ahte lágiduvvo deaivvadeapmi gos besset ságastit ášši birra ja deaivvadit eará berošteddjiiguin.

Sámi allaskuvla bovde buohkaid Diehtosiidda kantiinai 29.03, dii. 16.00-18.00. Lieggabiebmu guossohuvvo ja lágideapmi lea rabas buohkaide. Ii dárbbaš dieđihit, lea beare boahtit.

Earret eará Sámi allaskuvlla studeanttat ja Sámi joatkkaskuvlla ja boazodoaloskuvlla oahppit servet.

Prográmma
16:00 Bures boahtin, Laila Susanne Vars bokte
Boradeapmi guossohuvvo- nuvttá pizza
Guoimmuheapmi
16:15 Fovsenduopmu, Laila Susanne Vars
16:30 Akšunisttaid vásáhusat, Beaska Niillas
17:00 Boddu
17:05 Rasismadutkanprošeakta- Neahttacielaheapmi ja garra servodatdigaštallamat, Inga Anne Karen Sara
17:20 Psykologabálvalus, Anne Lene Turi Dimpas ja Guro Nordgaard Siri
17:35 Panelaságastallan
18:00 Prográmma loahpaheapmi, deaivvadeapmi joatká dii. 19.00 rádjái.

Lágideapmi lea davvisámegillii.

Dás gávnnat Facebookas dáhpáhusa:  Post Fovsen ákšuvnnaid- Movt dál viidásit? | FacebookLinks to an external site.