SÁM 402 Akademalaš čállin sámegillii

• Oahppokoda: SAM 402
• 5 oahppočuoggá  
•   Oahppoplána
• Diibmoplána ja deaivvadanplána: 

Oahpu sisdoallu

Veahkehit ja movttiidahttit čállit nákkosgirjji ja eará dieđalaš teavsttaidsámegillii hárjehusaid ja bagadallama vehkiin. Oahpu vuođđun leat teakstateoriijat, argumenteren ja dieđalaš čállinšlája árbevierut humanisttalaš dutkamis, ja studeanta oahpásmuvvá humanisttalaš dieđasuorggi artihkkaliid ja monografiijaid struktuvrraide. Studeanttat maiddái oahpásmuvvet dieđalaš publiserenvuogádahkii, teavsttaid stiila-ja sisdoallogáibádusaide ja formála iešvuođaide logaldallamiid, hárjehusaid ja lohkamušaid vehkiin. Dasa lassin čállinkursa oahpásnuhttá fágaterminologiija ráhkadeapmái. Oahpus suokkardallojit maiddái akademalaš sámegiela iešvuođat kontrastiiva ja gielladikšunperspektiivvas.

Oahpahusgiella
Dábálaččat lea sámegiella oahpahusgiellan.
 

Oahppoprográmma gullevašvuohta
Sámegiela ja sámi girjjálašvuođa doavttirgrádaprográmma geatnegahttojuvvon oassin ja eará doavttirgrádaprográmmaid dahje vuosttaslektorprográmmaid oassin.
 

Oahpahan - ja oahppanvuogit
Logaldallamat ja čállinseminárat. Oahppu sisttisdoallá golbma čállin-ja suokkardallanseminára, main studeanta hárjehallá hábmet ja ráddjet dutkangažaldagaid, geavahit proseassačállinvuogi oktagaslaš dutkangažaldaga hábmemis ja teavsttaid ráhkadeamis.

Eksámen
Máhppaeksámen, mii sisttisdoallá golbma (3) sámegielat seminárabarggu, oktiibuot 10–15 siiddu. Árvosátni: ceavzán / ii ceavzán.