Cristin

Cristin (Current Research Information System In Norway)

- lea vuogádat man Sámi allaskuvla geavaha dutkanbohtosiid registreremii. Cristin neahttasiiddus sáhttá ohcat dutkamiid maid Sámi allaskuvlla dutkit leat almmuhan. Systema geavahuvvo maid dutkanbohtosiid raporteremii Máhttodepartementii.

Registreren Cristinii dáhkko guovtte ládje, juogo importa dehe manuálalaš registrerema bokte. Stuora oassi dieđalaš artihkkaliin importerejuvvojit Cristinii dáhtábásain. Publikašuvnnat mat eai boađe importa bokte, fertejit registrerejuvvot. Lea dutki ovddasvástádus fuolahit iežas dutkanbohtosiid vuogádahkii.

Cristinii beassá Feide bokte.

Oza Cristinis ovdalgo registreret bohtosa eastadan dihte duppal registreremiid.

Dutkanboađus galgá dušše oktii registrerejuvvot. Eará mieldčálli soaitá juo registreren publikašuvnna mas don leat fárus dehe sáhttá importerejuvvon. De it dárbbat earágo dárkkistit ahte dieđut leat riekta ja ahte ásahusgullevašvuohta boahtá ovdan.

Dutki galgá fuolahit ahte:

- su dutkanbohtosat leat riekta registrerejuvvon Cristinii, geahča láidehusa

- dieđalaš publikašuvnnat mat leat čatnon olggobealde ruhtaduvvon prošeavttaide leat merkejuvvon finansierejeaddji prošeaktanummariin Cristinis, láidehus mot bidjat prošeaktanummara.

Registrere Cristinii

Cristin – Bohtosat (Resultater)

Ovttaskas dutki galgá registreret iežas dieđalaš publikašuvnnaid, gaskkusteami ja dáiddalaš doaimmaid. Maiddái eará DoB-doaimmat dego konferánsaovdanbuktimat, fágalaš logaldallamat ja jearahallamat (intervjuat) galget registrerejuvvot.

Logge sisa Cristinii registreret bohtosiiddát: Cristin.no

Cristin – Prošeavttat (Prosjekter)

Deike registrerejuvvojit DoB-prošeavttat. Publikašuvnnat ja eará bohtosat mat leat registrerejuvvon Cristin Bohtosiid vuollái, leŋgejuvvojit prošektii. Norgga dutkanráđđi ja eará dutkanfinansierejeaddjit vižžet dieđuid prošeavttaid birra Cristin – Prosjekter:is.

Logge sisa Cristinii registreret prošeavttaidat: Cristin.no