Conference focus: Indigenous curriculum development - Development of Indigenous
What's up
Almmolaš rahpan doalut
27. August, 10:00 to 13:00
Oahppojagi almmolaš rahpan 2019/202
Sámi allaskuvlla rahppui almmolaččat skábmamánu 1. beaivvi 1989. Nu ollašuvai sámiid gaskkas guhkit áiggi sávaldat fállat sámi oahpaheaddjeoahpu - ja das maŋŋil eará ge alit dási oahpuid – sámegillii sámegielat birrasis. Vel otná beaivve ge lea Sámi allaskuvla earenoamáš ásahus Davviriikkas, ja lea áiggi mielde maiddái šaddan ovdagovvan eará álgoálbmogiidda máilmmis.
Dán jagi ávvudit mii ahte Sámi allaskuvla lea 30 jagi. Mii leat gilván ávvudeami miehtá 2019 jahkái stuorát ja smávit ávvodoaluide, nugo oahppojagi 2019/2020 almmolaš rahpan.
Dán oktavuođas háliidit mii bovdet du ávvudit Sámi allaskuvlla oahppojagi almmolaš rahpama, borgemánu 27. beaivve diibmu 10:00-13:00, Sáhkaskáiddis ja sávvat dus lea vejolašvuohta searvat doaluide.
Prográmma:
- Sámi allaskuvlla luohti
- Direktevra Johan Ailo Kalstad sávvá bures boahtin
- Rektor Laila Susanne Vars doallá sáhkavuoru
- Dutkan- ja alit oahpu ministtar Iselin Nybø doallá sáhkavuoru
- Ruoŧa sámedikki presideantta Per-Olof Nutti doallá sáhkavuoru
- Dearvuođat studeantastivrras
- Guoimmuheapmi Elle Márjá Eira joavkkuin
- Guossuheapmi kantiinnas
BURES BOAHTIN!