Politiijaduođaštus

Universitehta- ja allaskuvlalága ja Forskrift om opptak til høyere utdanning vuođul gáibiduvvo politiijaduođaštus - barneomsorgsattest oahpuin gos studeanttat leat oktavuođas mánáidgárdemánáiguin ja ohppiiguin, dahje earáiguin oassin hárjehallamis. Sámi allaskuvllas dát gusto čuovvovaš oahpuide: Mánáidgárdeoahpaheaddjeoahppu, Sámi vuođđoskuvlaoahpaheaddjeoahpu 1.-7. ceahki mastergráda, Sámi vuođđoskuvlaoahpaheaddjeoahpu 5.-10. ceahki mastergráda ja praktihkalaš pedagogalaš oahppu.

Politiijaduođaštusa diŋgot studeantawebas, maŋŋel go leat ožžon oahppovuoigatvuođa. Fuomáš ahte politiijain sáhttá leat moadde vahkku meannudanáigi, danne lea dehálaš diŋgot duođaštusa nu jođánit go vejolaš. Daga ná

1. Logge sisa studeantawebii

2. Deaddil "Mer" 

3. Vállje "bestillinger" ja deaddil "politiattest"

Politiijat sáddejit duođaštusa du digitála boastakássii. Jus dus ii leat digipost, de sáddejuvvo dábálaš boastan.

Go oaččut duođaštusa digitála boastakássii ja leat vurken dan iežat dihtorii/telefovdnii, daga ná

1. Logge sisa studeantawebii. Vállje "Mer" ja "Søknader".

2. Deaddil "Ny søknad" ja vállje gardiinnas "Annen type sak". Deaddil "Videre".  

3. Dárkkis ahte oahppoprográmma lea riekta ja deaddil "Neste".

4. Deaddil "Last opp dokument" ja oza duođaštusa maid leat vurken iežat dihtorii/telefovdnii. Deaddil "Neste".

5. Deaddil "Fullfør". Jus háliidat guitte, merke "Ja, jeg ønsker kvittering på e-post" ovdal deaddilat "Fullfør".

Duođaštusa sáhtát maid buktit oahppohálddahussii. 

Duođaštusa lea maid vejolaš ohcat neahtas, politiija ruovttusiiddus. Ohcamii dárbbahat duođaštusa, jogo oahpposajiduođaštusa dahje vástádusreivve du oahpposajiohcamii. Oahpposajiduođaštusa sáhtát diŋgot oahppohálddahusas e-boastta bokte čujuhussii oahppohálddahus@samiskhs.no. Fuomáš: ále čále persovnnalaš dieđuid e-bostii.

Politiijaduođaštusa - barneomsorgsattest sisabuktima áigemearit:

  • Politiijaduođaštus - barneomsorgsattest mas lea/leat mearkkašupmi/mearkkašumit mii/mat lea/leat relevánta/relevánttat guoskevaš oahpu sisaváldimii: áigemearri sáddet/buktit politiijaduođaštusa lea golbma (3) vahkku.
  • Politiijaduođaštus - barneomsorgsattest mas ii/eai leat mearkkašupmi/mearkkašumit mii/mat lea/leat relevánta/relevánttat guoskevaš oahpu sisaváldimii: áigemearri sáddet/buktit politiijaduođaštusa lea maŋemusat oahpu álgindáhton. Ohccit geat ožžot oahpposajifálaldaga unnánat go 14 beaivvi ovdal oahpu álgima, vejolaččat maŋŋel oahpu álgima, galget sáddet/buktit politiijaduođaštus maŋemusat golbma vahkku maŋŋel go ožžo fálaldaga.

Politiijaduođaštus - barneomsorgsattest ii galgga leat boarrásit go golbma (3) mánu. Politiijaduođaštus - barneomsorgsattest gusto golbma (3) jagi. Studeanttat geat galget hárjehallamii njealját oahppojagi buktet ođđa politiijaduođaštusa - barneomsorgsattest.

Jus it buvtte/sádde politiijaduođaštusa - barneomsorgsattest, de ii leat dus vuoigatvuohta oassálastit hárjehallamii(dda).

Loga eambbo politiijaduođaštusa - barneomsorgsattest gáibádusaid birra Forskrift om opptak til høgre utdanning. Jus bajábealde almmuhuvvon teaksta ja Forskrift om opptak til høgre utdanning eaba heive oktii, de gusto Forskrift om opptak til høgre utdanning teaksta.