PED 620 Jođiheapmi, ovttasbargu ja ovdánahttinbargu – joatkkaoahppu mánáidgárdeoahpaheddjiide

• Oahpahusgiella: Davvisámegiella
• Oahpahusbáiki: Sámi allaskuvllas
• Oasseáigeoahppu
• 15 oahppočuoggá
• Joatkkaoahppu
• Dokument

  PED 620 Jođiheapmi, ovttasbargu ja ovdánahttinbargu joatkkaoahppun mánáidgárdeoahpaheddjiide oahppoplána, dohk. 01.07.25(309.17 KB)
• Diibmoplána TimeEdit
• Oahpu lágideapmi: Oahpahus lágiduvvo neahttadoarjjaoahpahussan, das leat sihke deaivvadeamit ja neahttaoahpahus.

Oahpu vuođđun lea pedagogihkka, sámegiella ja servodatfága. Váldodeaddu lea mánáidgárddi jođiheamis, mánáidgárddi ovdánahttimis oahpahalli organisašuvdnan, ja gulahallamis ja ovttasbarggus mielbargiiguin, váhnenovddasteddjiiguin, eará ovttasbargoguimmiiguin ja sámi servodagain. 

Guovddážis leat árbevirolaš jođihan-, gulahallan- ja ovttastallanvuogit. Oahpu fáttát leat kultuvra, fápmu, jođiheapmi, ráđđádallan, mielváikkuheapmi, ovttaárvosašvuohta ja demokratiija. Dasa lassin maiddái mánáid ja mielbargiid oahppanproseassaid bagadallan ja jođiheapmi, ja strategalaččat ovddidit mánáidgárddi oahppan- ja ovdánahttinarenan.

Oahppu galgá nannet studeantta reflekšuvnna jođiheaddjirollas ja oaidnit mo profešuvdnaehtalaš bealit váikkuhit jođihanproseassaid, fámu ja mánáidgárddi organiserema. Oassin oahpahusas leat mánáidgárdepedagogalaš geahčastat ja fágadidákttalaš dutkan.

Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no  

Sisabeassangáibádusat

Dábálaš sisabeassangáibádusat alitohppui ja sámegielmáhttu. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta.

Dasa lassin gáibiduvvo ahte ahte ohcci lea čađahan ovdaskuvlaoahpaheaddjeoahpu, mánáidgárdeoahpaheaddjeoahpu dahje vástideaddji oahpu.

Sámegiela gáibádusa sáhttá deavdit čuovvovaš vugiid mielde:

• Norgga joatkkaskuvllas sámegiella 1. dahje 2. giellan 2,
• Suoma logahagas eatnigielladutkkus dahje lohkan sámegiela vierrogiellan
• Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde.
• Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin.
• Ceavzit giellageahččaleami maid Sámi allaskuvla lágida.
  Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul