Láidehus dulkomii
Háliidat go bargat dulkan? Dušše 1 jagis sáhtát olahit kvalifikašuvdnagáibádusaid ja bargagoahtit dulkan.
- Oahpahusgiella: Davvisámegiella ja dárogillii
- 30 oahppočuoggá
- Oahpus leat 3 bákkolaš fysalaš deaivvadeami Sámi allaskuvllas Guovdageainnus – borgemánus, skábmamánus ja njukčamánus. Muđui lea oahpahus neahta bokte
- Oahppoplána
- Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no
- Diibmoplána ja deaivvadanplána:TimeEdit
- Eanet dieđut guovttegielatiskkadeami birra dás
- Ohcanwebas: Vállje "2901 Láidehus dulkomii (Bachelornivå) 30sp"
Norggas bođii dulkaláhka fápmui 01.01.2022, ja dan mielde lea almmolaš orgánain geatnegasvuohta geavahit oahppan dulkkaid.
Sámi allaskuvllas sáhtát dál váldit vuođđooahpu dulkafágas, ja nu šaddat kvalifiserejuvvon dulkan ja oahppat dulkabarggu deháleamos beliid.
Sámi servodat dárbbaša eambbo oahppan dulkkaid, vai sámegiella sáhttá doaibmat gulahallangiellan buot arenain.
Go leat kvalifiserejuvvon dulka, de beasat registreret iežat dulkan Nationála dulkaregisterii. (link: https://www.tolkeregisteret.no/)
Oahppan dulkkat besset dulkot ovdamearkka dihte Duopmostuolus, gos diibmobálká dál lea 1052 Nkr.
2025 dulkaoahppu lea gaskal davvisámegiela ja dárogiela.
Oahpahusas mis leat logadallamat, mii hárjehallat ja geahččaladdat iešguđetlágán dulkonteknihkaid ja vugiid, mii bargat terminologiijain, mii digaštallat fáttáid ja čuolmmaid maid dulka vásiha. Studeanta beassá hárjehallat ja oahpásnuvvat dulkabargui, ja oažžu bagadallama oahpahusas.
Oahpu fáttát leat earret eará:
- Dulkaámmát, dulkamáhttu ja ámmátetihkka
- Dulkka ovddasvástádus
- Mii lea giella, iešguđetlágán ságastallamat
- Gulahallan dulkka bokte
- Dulkonteknihkat
- Gáiddusdulkon
Jus áiggut dulkan bargat, de sáhtát:
- Čađahit ja ceavzit Guovttegielatiskkadeami ja Dulkka ovddasvástáduskurssa Sámi allaskuvllas
- Čađahit vuođđooahpu dulkomis (30 oč).
- Čađahit ja ceavzit stáhtaautorisašuvdnageahččaleami dulkomis.
- Čađahit bacheloroahpu dulkomis (180 oč).
