Ođđasat
- Vuolgge north2north lonohallamii oahppojagi 2020-2021!
- Sámi allaskuvlla studeanttaid filmmaid čájehit Skábmagovain ja Helssegis
- Matematihkka ovdakursa neahta bokte
- Lea áin vejolaš ohcat giđa oahpuide
- Etablering av samisk kompetansesenter for lærerutdanningene
- Sámi allaskuvlla rektor Laila Susanne Vars lea válljejuvvon UHR Samisk ođđa jođiheaddjin
- Musihkka ja juoigan dehálaš oassin oahpaheaddjeoahpuin
- Ollu vejolašvuođat Sámi buohccidivššároahpuin Sámi allaskuvllas
- Sáhttá go bajásgeassin leat menddo dorvvolaš?
![Inger Marie Diehtosiiddas Govva Inger Márjjás, Diehtosiidda sáhkaskáiddis.](https://samas.no/sites/default/files/styles/hovedbilde/public/img_0592a.jpg?itok=6-2OMnx4)
NASA ja Sámi allaskuvla ovttasbarge
Sámi allaskuvla prorektor ja vuosttašamanueansa Inger Marie Gaup Eira lea mielde NASA dutkanjoavkkus geat galget dutkat movt satelihtaid sáhttá atnit čájehit heajos guohtuma ja nu veahkehit boazosápmelaččaid beaivválaš boazobarggus.
USA gomuvuođaeiseváldi NASA dat lea álggahan dán dutkama. Dutkanprošektii leat máŋga gaskariikkalaš dutki searvan. NASA dutkit leat Ludovic Brucker (NASA GSFC / USRA GESTAR), Joe Munchak (NASA GSFC / Uni. of Maryland) ja Nancy Maynard (NASA GSFC / Uni. of Miami).
Eará dutkit leat Alexandre Langlois ja Caroline Dolant (University of Sherbrooke, Kanada) ja Sámis golmmas.
Earágo Inger Marie Gaup Eira, Sámi allaskuvllas de leaba maiddái Anders Oskal (ICR) ja Svein D. Mathiesen (UArctic EALÁT ICR) mielde dutkamis.
NASA gohččoda dán dutkama eŋgelasgillii “Satellite Rain-On-Snow Detection: A New Climate Change Product” mii sámegillii sullii mearkkaša "sattelihtta mii-arvi-muohttagii-dovdá: ođđa dálkkádatrievdan buktaga".
Dutkama boađus lea ovddidit satelihtta algoritma mii geavaha teknologalaš rusttegiid gávnnahit goas šaddá heajos guohtuma ja nu ládje ávkin boazodollui.
Eambbo áššis sáhtát lohkat eŋgelasgillii