golggotmánu 12. beaivi 2022

Studeanttaválggat

Dál leat studeanttaválggat álgán ja juohke studeanttas lea vejolašvuohta evttohit mielstudeanttaid válgakandidáhttan.  

Dovdát go muhtuma gean dieđát livčče čeahppi ovddidit áššiid mat gullet studeanttaide? Dál lea vejolašvuohta evttohit kandidáhtaid gitta golggotmánu 21. b. rádjái. Evttohusa sáddet Oahppohálddahussii e-boasta bokte, oahppohalddahus@samas.no, dahje Easyquest liŋkka bokte mii lea sáddejuvvon studeanttaide.

Don sáhtát evttohit mielstudeanttaid čuovvovaš stivrraide ja lávdegottiide:

  • Sámi allaskuvlla stivra
  • Studeantastivra
  • Dutkan- ja oahppostivra (DOS)
  • SSO stivra
  • Válgastivra
  • Sisaváldinlávdegoddi
  • Oahppobiraslávdegoddi
  • Dohkálašvuođalávdegoddi
  • Váiddalávdegoddi

Juohke stivrras ja lávdegottis galget leat áirasat geat leat Sámi allaskuvlla studeanttat.

Jus evttohat muhtuma stivrii dahje lávdegoddái, de mii sáddet jearaldaga dán olbmui ahte searvá go válgii. Jus dat olmmoš mieđiha searvat válgii, de bivddit su sáddet gova alddis ja oanehis teavstta iežas birra. Teaksta ja govva almmuhuvvo Válgaáviisii.

Viidáset doaimmat studeantaválggaid oktavuođas:

  • Jienasteapmi rahppo 04.11.22. Studeanttat jienastit elektrovnnalaččat ja liŋkka sáddejuvvo buot studeanttaide.
  • Jienasteapmi loahpahuvvo 10.11.22

Válgaáviisa

Dán aviissas oainnát buohkaid geat leat dássážii nominerejuvvon studeanttaválgii.