Ođđasat
- Sámi allaskuvla fállagoahtá oahpu sámi oahpaheddjiide Ruoŧas
- Duodji, juoigan ja hutkáivuohta
- Giđa 2019 oahput almmuhuvvon
- Fas ođđa studeantalohkoolahus Sámi allaskuvlii
- Vuosttaš háve beakkán dutkanjournalii.
- Oza sámi giellastipeandda
- Leago dus miella vuojadit?
- Stádabušeahtta 2019
- Ohppet sámegiela árbevirolaš máhtu bokte
![Govva: uit.no](https://samas.no/sites/default/files/styles/hovedbilde/public/field/image/torill_varberg.jpg?itok=6PSCgVuk)
Studeantaáittardeaddji Sámi allaskuvllas 9.-10.03
Sámi allaskuvlla ođđa studeantaáittardeaddji Torill Varberg lea Guovdageainnus mánnodaga 09.03 ja disdaga 10.03, oahpásnuvvan dihte min ásahussii. Mis lea ovttasbargu UiT Norgga árktalaš universitehtain studeantaáittardeaddji doaimma ektui, ja Torill bargá beaivválaččat Romssas.
Jus studeanttain lea dárbu hupmat suinna go lea dáppe, de lea sus vejolašvuohta šiehttat deaivvademiid studeanttaiguin Guovdageainnus disdaga gaskkal dii. 12-14. Váldde oktavuođa suinna e-boastta bokte studentombudet@uit.no dahje tlf. bokte +47 97713040 šiehttat áiggi.
Fuomášuhttit ahte dán vuoro ferte suinna gulahallat dárogillii dahje eaŋgalasgillii, muhto mii boahtit ovddasguvlui fállat dulkka go son gulahallá min studeanttaiguin.
Studeantaáittardeaddji doaibma:
Studeanttaidáittardeaddji veahkeha ja bagada studeanttaid áššiin mat gusket sin oahppodilálašvuhtii. Studeanttaidáittardeaddji galgá bearráigeahččat ahte áššit ožžot dohkálaš ja rievttes gieđahallama, ja ahte studeanttaid vuoigatvuođat váldojuvvojit vuhtii.
Studeanttaidáittardeaddji sáhttá:
- Guldalit du vuorjašumiid ja bagadit váttes dilálašvuođain.
- Iskat čuovvugo Sámi allaskuvla gustovaš lágaid ja njuolggadusaid.
- Leat mielde čoavdime ášši nu vuollegis dásis go vejolaš.
- Leat bealátkeahtes ja iešmearrideaddji ásahus áššeoasálaččaid gaskkas jus čuožžila nággu.
- Čilget studeanttaid vuoigatvuođaid ja geatnegasvuođaid.
Studeanttaidáittardeaddji ii sáhte:
- Váldit beali áššis dahje mearridit áššiid.
- Bagadit Sámi allaskuvlla ovttadagaid dahje mearridanorgánaid.
- Leat váidin- dahje guoddalanásahus áššiin maid Sámi allaskuvlla mearridanorgána lea gieđahallan ja mearridan.
Studeanttaidáittardeaddjis lea jávohisvuođageatnegasvuohta.