Ođđasat
- Sámi allaskuvla lea ásahišgoahtime sámi AI Lab
- Laila Susanne Vars lea nammaduvvon The International Arctic Science Committee (IASC) lávdegoddái
- Ylva Jannok Nutti oažžu Várdduo dieđalaš bálkkašumi 2023
- Oza giđa 2024 oahpuide
- Stádabušeahtta: Nanne sámi alitoahpahusa
- Sámi logut muitalit 15 raporta lea almmuhuvvon
- Barggat go vai lea go dus beroštupmi bargat dulkan?
- 3D-teknologiijain vejolaš hábmet ođđa oahppofálaldagaid
- Verddeovttasbargu gaskkal Sámi allaskuvlla ja Guovdageainnu suohkana
![Sámi allaskuvlla goahtejođiheaddji John Marcus Kuhmunen, veahkkerektor Sámmol Valkeapaa, rektor Liv Inger Somby, goahtejođiheaddji Risten Lansman ja direktevra Anne-Marie Gaino. Sámi allaskuvlla jođiheaddjit.](https://samas.no/sites/default/files/styles/hovedbilde/public/field/image/jodiheaddjit.jpg?itok=pygoMsiz)
Stádabušeahtta 2024: Sámi allaskuvlii ruhtadeapmi
Sámediggi lea odne almmuhan ahte ráđđehus lea čuovvolan stuoradiggedieđáhusa sámegiela oahpahusa birra 2024 stádabušeahtas. Earret eará lasihit Sámi allaskuvlii golbma miljovnna oahpaheaddjeoahpuid nannemii, ja vel guokte miljovnna viiddidit Ofelašdoaimma.
- Dát lea hui buorre ođas Sámi allaskuvlii. Mii leat maŋimuš vahkkuid ollu bargan ruhtadiliin ja mo galggašeimmet nagodit eambbo ruđa háhkat iežamet doibmii. Máŋggas dáidet diehtit ahte Sámi allaskuvllas leat hástalusat ekonomiijain, go nationála dásis geahpedit rámmadoarjagiid seamma mađe buot universitehtaide ja allaskuvllaide. Go dál juolluduvvo golbma miljon ruvnnu liigeruhta, de bállet bargat fágalaš ovdánahttimin. Lea maid illudahtti go beassat viiddidit Ofelašdoaimma, lohká rektor Liv Inger Somby.
Sámi allaskuvllas lea leamaš hui buorre ovttasbargu Sámedikkiin dán čavčča ja mii leat čilgen váikkuhusain go sámi oahpuid ja dutkama galgat mii ovdánahttit vátna ruđaiguin.
- Sámediggeráđđi Mikkel Eskil Mikkelsen (NSR) lea bargan hui buori barggu. Mis leat leamaš buorit čoahkkimat suinna ja su ákkastallamat ráđđehusdássái han buktet bohtosiid ja buriid ođđasiid, dadjá Somby.