Ođđasat
- Sámi allaskuvla lea ásahišgoahtime sámi AI Lab
- Laila Susanne Vars lea nammaduvvon The International Arctic Science Committee (IASC) lávdegoddái
- Ylva Jannok Nutti oažžu Várdduo dieđalaš bálkkašumi 2023
- Oza giđa 2024 oahpuide
- Stádabušeahtta: Nanne sámi alitoahpahusa
- Sámi logut muitalit 15 raporta lea almmuhuvvon
- Barggat go vai lea go dus beroštupmi bargat dulkan?
- 3D-teknologiijain vejolaš hábmet ođđa oahppofálaldagaid
- Verddeovttasbargu gaskkal Sámi allaskuvlla ja Guovdageainnu suohkana
![](https://samas.no/sites/default/files/styles/hovedbilde/public/field/image/img_0220_0.jpg?itok=3cTwU9PP)
Sámiid dearvvašvuođadilálašvuohta
Maori, Emma Rawson – Te Patu, lea galledan Sámi allaskuvlla gos allaskuvlla rektor lágidii oanehis seminára mas fáddán lei sámiid dearvvašvuođadilálašvuohta. Te Patu lea mátkkošteame Sámis, ja manná viidáseappot álggos vuos Sámediggái oahppan dihte sámiid diliid birra, ja galleda maiddái lullisámiid Rørosas- Rossen tjïelte.
Sámi allaskuvlla dutki Torunn Pettersen ja professor Annika Pasanen ja Guovdageainnu suohkandoavttir Ánne Lájlá Kalstad ovdanbukte onehaččat sihke statitishka, gielladiliid birra Sámis, movt boazosáminuorat vásihit rasismma ja makkár hástalusaid ja rievdamiid suohkandoavttir oaidná sámiid dearvvašvuođa ektui. Emma Rawson doalai ieš maid oanehis logaldallama iežas bargguid birra globála dásis ja mo ovdánahttet dearvvašvuođa vuoigatvuođaid Aotearoas/ New Zealanddas.
- Lei duođaid buorre álgu dán vahkkus ja lea dehálaš čatnat oktavuođaid gaskkal Maori ja sápmelaččaid. Lea maid dehálaš gullat mo eará álgoálbmot guovlluin barget dearvvašvuođa jođiheami strategiijain. Lei maid hui miellagiddevaš gullat min dutkiid Torunn Pettersena ja Annika Pasanen čilgemin iežaska dutkanfáttáid. Lei maid vuogas čatnat oktavuođaid gaskkal báikkálaš váldodoaktára Ánne Lájlá Kalstad, min ásahusa ja maori njunuš dutki gii jođiha globála dásis WFPHA dearvvašvuođa organisašuvnna.
Emma Rawson-Te Patu lea ManuKahu Associates direktevra, Indigenous Consultancy Āotearoas/Ođđa Zealánddas, ja lea Public Health Equity jođihangottis Whakauae Research Services. Son lea maid World Federation of Public Health Associations (WFPHA) válljejuvvon presideanta ja Indigenous Working Group (WFPHA) mieljođiheaddji.
Govas leat mielde Sámedikki Inga Margrethe Eira Bjørn ja Lisbeth Vesterheim Skoglund ja álbmotdearvvašvuođa Annica Linden Øygard og Ragnhild Storstein Spilker, rektor Liv Inger Somby lassin ovdalis namuhuvvon olbmuid.