Ođđasat
- Sámi allaskuvla lea ásahišgoahtime sámi AI Lab
- Laila Susanne Vars lea nammaduvvon The International Arctic Science Committee (IASC) lávdegoddái
- Ylva Jannok Nutti oažžu Várdduo dieđalaš bálkkašumi 2023
- Oza giđa 2024 oahpuide
- Stádabušeahtta: Nanne sámi alitoahpahusa
- Sámi logut muitalit 15 raporta lea almmuhuvvon
- Barggat go vai lea go dus beroštupmi bargat dulkan?
- 3D-teknologiijain vejolaš hábmet ođđa oahppofálaldagaid
- Verddeovttasbargu gaskkal Sámi allaskuvlla ja Guovdageainnu suohkana
![](https://samas.no/sites/default/files/styles/hovedbilde/public/field/image/samas_3_lr.jpg?itok=PddTxLO8)
Sámi allaskuvla bovde boahtit gullat njuolggosáddaga “Mii guldalit”
Sámi allaskuvla bovde sihke studeanttaid ja bargiid boahtit gullat njuolgasáddaga go Duohtavuođa- ja seanadankommišuvnna raportta ovdanbuktet álbmogii geassemánu 1. beaivvi.
Duorastaga dii. 12.00 ovdanbuktá kommišuvdna raportta Stuoradiggái. Ovdanbuktin bistá 35 diimmu Nationálateáhtera váldolávddis mii čájehuvvo NRK:s njuolggosáddagiin. Dat lea ovttasbargu gaskal Nationálateáhtera, Kväänteatteri ja Festspillene i Bergen.
Sámi allaskuvla háliida addit vejolašvuođa sihke studeanttaide ja bargiide čuovvut raportta ovdanbuktima. Dán oktavuođas lea vejolaš geahččat njuolggosáddaga Sámi allaskuvlla kantiinnas sihke duorastaga ja bearjadaga.
Prográmma
Duorastaga 01.06
Dii. 11.45-12.00 Sámi allaskuvlla rektor Laila Susanne Vars sávvá bures boahtima
Dii. 12.00-23.00 Searválaga guldalit njuolggosáddaga
Bearjadaga 02.06
Dii. 08.00-17.00 Searválaga guldalit njuolggosáddaga
Prográmma rahpamis guossohit gáfe, deaja ja šattuid.
Fuomášupmi bargiide! Jus háliidat maŋŋel bargoáiggi guldalit njuolggosáddaga, de dat lea eaktodáhtolaš ja ii leat oassin bargoáiggis.