Ođđasat
- Sámi allaskuvla lea ásahišgoahtime sámi AI Lab
- Laila Susanne Vars lea nammaduvvon The International Arctic Science Committee (IASC) lávdegoddái
- Ylva Jannok Nutti oažžu Várdduo dieđalaš bálkkašumi 2023
- Oza giđa 2024 oahpuide
- Stádabušeahtta: Nanne sámi alitoahpahusa
- Sámi logut muitalit 15 raporta lea almmuhuvvon
- Barggat go vai lea go dus beroštupmi bargat dulkan?
- 3D-teknologiijain vejolaš hábmet ođđa oahppofálaldagaid
- Verddeovttasbargu gaskkal Sámi allaskuvlla ja Guovdageainnu suohkana
![Kronprinsparet. Foto: Jorgen Gomnaes_Det kongelige hoff.jpg](https://samas.no/sites/default/files/styles/hovedbilde/public/field/image/kronprinsparet._foto_jorgen_gomnaes_det_kongelige_hoff.jpg?itok=jWEAD_ek)
Ruvdnaprinsapárra finada Sámi allaskuvllas
Cuoŋománu 18. beaivvi finadeaba Gonagaslaš Allavuođaguovttos Ruvdnaprinsa ja Ruvdnaprinseassa Sámi allaskuvllas gos galgaba earret eará deaivvadit min bargiiguin ja studeanttaiguin.
Sámi allaskuvllas beassaba gullat allaskuvlla alit oahpuid ja dutkansurggiid birra. Lea earret eará árbevirolaš máhttu, duodji, sámegiella, osku ja eallináddejupmi masa lea biddjon fuomášupmi. Sámi allaskuvlla studeanttat ságastallet ruvdnaprinsapárain nuoraid geahčastagas sihke movt luondu váikkuha sámi kultuvrra seailluheapmái boahtte áiggis, Sámi allaskuvlla oahpaheaddjeoahpuid ja sámegiela álgooahpahusa ja ofelašdoaimma birra.
Mátki lea sudno 50 jagi beivviid ávvudeami oktavuođas boahtte geasi mas háliideaba mátkkoštit viđa sadjái Norggas ja loktet ovdan áššiid maid atniba árvvus, nu go ee sámi kultuvra.
Loga eambbo Gongasviesu neahttasiiddus (dárogillii).