Ođđasat
- Studeantačálus 2: “Movt don sáhtát váiban go leat dušše beaivvi stoahkan mánáiguin?”
- Studeantačálus: Don it leat beare boaris mánáidgárddis bargat
- Doarjja Sámi allaskuvlla joatkkaoahpuide
- Oza čavčča oahpuide!
- Nanu dulkaáŋgiruššan sámegielain Sámi allaskuvllas
- Sámegiela ja sámi girjjálašvuođa masteroahppu addá ođđa bargovejolašvuođaid
- Ovttastallan ja siiddat otnábeai servodagas
- Lihkku beivviin!
- Sámi allaskuvllas lea girjás ja miellagiddevaš prográmma Sámi vahkkus
![](https://samas.no/sites/default/files/styles/hovedbilde/public/field/image/rektorat.jpg?itok=JVdYg6ek)
Rektorválggat 2019
Válgastivra lea čoahkkimis 9.1. mearridan ahte rektorválggat čađahuvvojit cuoŋománu 10. beaivvi. Pro-rektor válljejuvvo oktanaga rektorin. Sámi allaskuvla válganjuolggadusaid vuođul galget evttohusat sáddejuvvot maŋemusat golbma vahkku ovdal válggaid. Válgastivra lea dan geažil bidjan áigemeari njukčamánu 16. beaivái.
Gii sáhttá kandidáhttan evttohuvvot?
Sihke Sámi allaskuvlla bargit ja olggobeale kandidáhtat leat válgadohkálaččat rektorin. Gáibiduvvo ahte vejolaš kandidáhtat galget máhttit sámegiela njálmmálaččat ja čálalaččat. Dasa lassin galgá duođaštit unnimusat masterdási oahppoduogáža ja jođiheaddjegelbbolašvuođa nugo stivrahárjáneami.
Pro-rektorin sáhttá dušše Sámi allaskuvlla bargi geas lea unnimusat 50% virgi šaddat. Sus maid gáibiduvvo sámegielmáhttu.
Ná evttohat kandidáhtaid
Gáibiduvvo ahte unnimusat guovttis geain lea jienastanvuoigatvuohta vuolláičállet evttohusa. Evttohusat galget leat miehtan vuolgit evttohussan. Jus ii leat Sámi allaskuvlla bargi de gáibiduvvo čálalaš duođaštus ahte son lea miehtan searvat ja dasa lassin cv oktan duođaštusaiguin.
Čálalaš evttohusat sáddejuvvojit Sámi allaskuvlla boastačujuhussii dehe dolvojit ovdakantuvrii.
Gii beassá evttohit
Bargiin ja studeanttain geain lea jienastanvuoigatvuohta lea maid evttohanvuoigatvuohta.
Válganjuolggadusat
Stivra mearridii ovdal juovllaid ođđa válganjuolggadusaid. Daid gávnnat dás.