Ođđasat
- Gárve iežat oahpaheaddjeoahpu kvalifiserenortnega bokte!
- Sámi allaskuvla ohcá direktevrra
- Šatta ofelažžan - Sjatta oahpestiddjen - Tsïegline sjïdth!
- Sámi buohccidivššároahppu – don sáhtát váikkuhit makkár sisdoallu galggašii
- Guhkiduvvon ohcanáigemearri čavčča 2021 oahpuide!
- Háliidat go bargat studeanttadoaimmaiguin ja seammás diinet ruđa? De geahčes deike!
- Ohcanáigemearri oahpuide láhkonišgođii
- Studeanttaid sisabeassan Diehtosiidii 29.03-12.04
- Sis-Finnmárkku studeanttaid ovttastus ohca studeantabargi
![Journalistastudeantat Hawaiias](https://samas.no/sites/default/files/styles/hovedbilde/public/bilde_5.jpg?itok=bUKs9mIE)
Ohcanáigemearri lonohallamii lahkonišgoahtá
Ohcanáigemearri ohcat doarjaga lonohallamii lahkonišgoahtá sihke studeanttaide ja fágabargiide.
Njukčamánu 12. b. lea stipeandda lonohallamii ohcanáigemearri. Sámi allaskuvlla studeanttain ja bargiin leat buorit vejolašvuođat váldit oanehisáigge- dahje guhkitáiggelonohallama olgoriikkas. Allaskuvla lea Erasmus+, Barents+ ja North 2 North prográmmas mielde.
Doarjjaortnet
North 2 North lea dieđihan ahte sis leat studeanttaide 23 rabas oahpposaji Davviámeriikkas masa ii dárbbat máksit oahppodivvaga, ja dat fálaldat gusto olles Norgii oahppojagi 2021-2022. Dasa lassin sáhtát ohcat lonohallanstipeandda Stáhta loatnakássas. Muđui leat North 2 North:s rabas sajit masa dábálaččat šaddá máksit oahppodivvaga, ja dan oktavuođas sáhtát ohcat lassistipeandda North 2 North:s.
Fálaldat guoská North 2 North čuovvovaš universitehtaide:
KANADA |
Rabas oahpposajit lonohallami |
Algoma University |
1 |
Lakehead University |
5 |
Memorial University of Newfoundland |
1 |
Université du Québec à Montréal (UQAM) |
5 |
Université du Québec à Rimouski (UQAR) |
1 |
Université Laval |
2 |
University of Saskatchewan |
5 |
AMERIKA |
|
Alaska Pacific University |
1 |
University of Alaska Fairbanks |
2 |
University of Southern Main |
Seammá olu oahpposajit go dan maid Norga fállá |
OKTIIBUOT |
23 |
Eanet dieđut bargiide gávnnat dáppe. Fuom! Lea eŋgelasgillii.
Váldde oktavuođa e-boasta bokte Sámi allaskuvlla internašunaliserenráđđeaddin Ida Holm Hanseniin jus lea beroštupmi dahje leat gažaldagat lonohallama birra.