Ođđasat
- NAISA 2024
- Gietkkama ja wahakura kultuvrralaš mearkkašumi ovdanbuktán stuora dáiddačájáhusas
- Váikkuhusat Sámi allaskuvlii go 27 bargis lea bargoheaitta
- Harald Gaski nammaduvvon gudnedoavttirin
- Rabas virggit
- Lovisa Mienna Sjöberg válddii vuostá dutkanbálkkašumi Uppsalas
- Guovttegielatiskkadeapmi giđđat 2024
- Ohcciidlogut oahpaheaddjeoahpuide
- Ođđa raporta čájeha ahte lea dárbu sámi parallealla seammaárvosaš oahppoplánii matematihkas
![Sámi mánáidgárdeoahpu studeanttat loahpahandoaluin 2024.](https://samas.no/sites/default/files/styles/hovedbilde/public/field/image/5o6a5880.jpg?itok=_Dp_LsMj)
Oahppojagi loahpaheapmi
Sámi allaskuvllas ledje odne oahppojagi loahpahandoalut. Lei allaárvosaš seremoniija Sáhkaskáiddis gos studeanttat geat leat geargan grádaoahpuiguin ožžo skeaŋkkaža ja diploma, ja oahpuid koordináhtorat muitaledje maid studeanttat leat bargan studeantaáigodagas.
Rektor Liv Inger Somby dajai sártnistis studeanttaide ee.:
- Studeanttat leat dál olahan dan vuosttaš ceahki, bachelordási, ja maiddái masterdási. Mun dieđán ahte máŋggas dis háliidehpet viidáset lohkat – maŋŋelaš! Dii lehpet bures boahtin min lusa, studeret viidáset ja mii hábmet dađis oahppofálaldagaid mat leat dehálaččat min servodahkii. Man lihkku sámi gielddaide, sámi ásahusaide go din ožžot bargin! Muitet ahte dii lehpet Sámi allaskuvlla deháleamos ambassadevrrat!
Rektor giitii maiddái fágabargiid go leat nu dárkilat ja čehpet láidestan studeanttaid dassái go gerget.
- Dát lea illu beaivin fágabargiide ja goappaš gođiide, Sámi oahpaheaddjeoahpuid goahtái ja Giella-, duodje- ja servodatdiehtaga goahtái.